Tarxeta QSL

De Wikipedia
Saltar a navegación Saltar a la gueta
Tarxeta QSL d'HALA-2-AG (España), unviada a F9LB (Francia) en febreru de 1949.

Una tarxeta QSL ye una variante de tarxeta postal que les emisores de radio (comerciales o de radioaficionaos) unvien a los oyentes qu'unviaron un informe de recepción correctu sobre una de les sos emisiones. QSL, en realidá, ye "acuse de recibu" na serie de sigles de tres letras que componen el códigu Q, un códigu aeronáuticu y de radio.

Tarxetes QSL d'emisores de radiodifusión[editar | editar la fonte]

Tarxeta QSL de La Voz d'América, 1972

L'anversu suel llevar el logotipu de la emisora, imáxenes del país onde s'atopa ésta o otros motivos. L'aviesu contién un testu col acuse de recibu del informe de recepción, los sos datos fundamentales (hora, día, frecuencia escuchada, etc.), según una fórmula d'agradecimientu pol interés demostráu per parte del oyente n'ameyorar la sintonización de la emisora.  Dellos emisores, xuntu cola tarxeta QSL, unvien obsequios tales como banderinos, guíes del país o población onde s'atopa allugada, material publicitario, etc. Consiguir el mayor númberu de tarxetes QSL y disponer de les de les emisores más difíciles de sintonizar por cuenta de la so distancia o a la escasa potencia de la so emisión ye unu de los retos del aficionáu al diexismu.

Tarxetes QSL de radioaficionaos[editar | editar la fonte]

Tarxeta QSL d'un grupu de radioaficionaos noruegos y de la so radio-club.

Les tarxetes QSL son utilizaes polos radioaficionaos como prueba material de la esistencia d'un contautu ("QSO", nel Códigu Q), y son necesaries pal llogru de diplomes o pa llograr puntos en concursos. Dalgunes lleguen inclusive a ser oxetu de colección. Son unviaes per corréu normal, dientro de sobres, per mediu d'asociaciones (via Bureau o vía asociación) o utilizando como conductu a otru radioaficionáu que llamase "QSL Manager"

La tarxeta QSL nun tien de midir menos de 8,5 cm x 13,5 cm, nin ser mayor que'l formatu DIN A6 , esto ye, 10,5 cm x 15 cm. Nel casu de que sían unviaes al traviés del Bureau (URE n'España, ARRL n'EEUU, REF en Francia, etc) nun tienen de pasar les medies de 9 cm x 14 cm. Les tarxetes suelen llevar nel anverso imáxenes rellacionaes col radioaficionáu: semeyes de la so estación, de los sos fíos, de la so ciudá, o bien d'él mesmu.

Informe de recepción[editar | editar la fonte]

La tarxeta tien de contener los siguientes datos obligatorios del informe de recepción:

  • indicativu del receptor de la tarxeta,
  • indicativu del emisor de la tarxeta,
  • fecha del QSO,
  • hora del QSO (en tiempu universal o UTC)
  • frecuencia,
  • clase d'emisión
  • Codificación RST de la calidá de la señal recibida

Los siguientes datos, sicasí, son optativos:

  • direición, país y ciudá
  • apocayá: direición de corréu electrónicu
  • situación xeográfica, como la llatitú y llargor o bien el QTH Locator ;
  • afiliación a organizaciones nacionales de radioaficionaos
  • eventualmente, un saludu personal

Escontra 2005, les tarxetes QSL empezaron a ser unviaes como tarxetes virtuales al traviés d'Internet. Les QSL virtuales non siempres son válides pal llogru de diplomes de radioaficionáu.

Enllaces esternos[editar | editar la fonte]