Tante Blanco

De Wikipedia
Saltar a navegación Saltar a la gueta
Tante BlancoPicto infobox character.png
Vida
Nome completu Constantino Blanco González
Nacimientu

Tolivia1957

(62/63 años)
Nacionalidá Bandera d'España España
Familia
Hermanos/es
Estudios
Estudios Universidá d'Uviéu
Universidá Llaboral de Xixón
Llingües castellanu
asturianu
Oficiu
Oficiu músicu, escritor y monologuista
Trabayos destacaos Al Aldu
Miembru de Los Berrones
Alcuñu/os Tante Blanco
Cambiar los datos en Wikidata

Tante Blanco (1957Tolivia) ye un músicu, escritor y monologuista asturianu, ex-miembru del grupu Los Berrones.

Vida[editar | editar la fonte]

Estudió na so mocedá en varios colexios de cures y más llueu trés años na Universidá Llaboral de Xixón, pa darréu entamar a estudiar filoloxía española na Universidá d'Uviéu.

Los Berrones[editar | editar la fonte]

Nel añu 1989 apaeció na escena musical asturiana, xunto colos demás miembros de Los Berrones, con un discu en formatu single que namái llevaba dos temes: Nun yes tu y Tais de yogurt. Naquellos tiempos foi un éxitu nel panorama musical asturianu, llegando a escosase la edicción de 2000 copies la primer selmana desque s'asoleyó nes tiendes.

Nel añu 2005 abandona'l grupu pa dedicase a otros llabores.

Hestories piquiñines[editar | editar la fonte]

Nel añu 1998, Tante Blanco estrénase como escrritor espublizando "Hestories piquiñines", (ED. TRABE, 1998), del que van feches dos ediciones y anguaño alcuéntrase esgotáu. Dende al añu 2014 ta na cai la 3ª edición. Nos años 2000/2004 intentó sacase alantre un proyeutu audivisual en formatu de serie de dibuxos animaos pa la TV, de la mano de ANIMASTUR, y asentá nos capítulos de esti llibru, pero la falta de fondos y medios económicos, fixo imposible llevar a buen términu esti proyeutu. Pue agüeyase en YouTube y otres plataformes dixitales, el capítulu de presentación de lo que diba a ser la serie.

Na TPA[editar | editar la fonte]

Cola llegada de la televisión autonómica d'Asturies, la TPA, Tante B. dedicóse a facer monólogos n'asturianu pal pograma Al Aldu y La Risión, siendo él mesmu guionista ya intérprete de los mesmos.

Carrera en solitariu[editar | editar la fonte]

Nel añu 2009, dempués varios años de trabayu, retoma la so carrera musical, agora en solitario. Col nome de Stroza, espubliza'l so primer trabayu col títulu de "Música de garrafón" y con temes n'asturianu y tamién en castellanu. Ye tamién reseñable la so composición del Himnu del Centenariu pal club de fútbol de Llaviana, el Real Titanico, asina como utru himnu compuestu pa la la Escuela de fútbol llavianesa ALCAVA.