TZ Arietis

De Wikipedia
Saltar a navegación Saltar a la gueta
TZ Arietis
TZ Arietis
Constelación Aries
Ascensión reuta α 02h 00min 13,2s
Declinación δ +13º 03’ 08’’
Distancia 14,5 ± 0,2 años lluz
Magnitú visual +12,28
Magnitú absoluta +14,07
Lluminosidá 0,00021 soles
Masa 0,089 soles
Tipu espectral M4.4V
Velocidá radial -31 km/s

TZ Arietis (Luyten 1159-16 / GJ 9066 / LHS 11) ye una estrella de la constelación d'Aries, la segunda más cercana a la Tierra nesta constelación dempués de la Estrella de Teegarden. Alcuéntrase a unos 14,5 años lluz de distancia. De magnitú aparente +12,28, nun ye visible a güeyu.

Como munches otres estrelles de la redolada del nuesu sistema solar, TZ Arietis ye una nana colorada, que'l so tipu espectral ye M4.4V. La so lluminosidá ye bien tenue comparada cola del Sol, malapenes un 0,021% de la mesma, y la so masa ye de 0,089 mases solares.

D'alcuerdu al so denominación d'estrella variable, TZ Arietis ye una estrella acandilante. Éstes son estrelles de la secuencia principal que despiden fogarales, sufriendo aumentos sópitos ya impredicibles nel so rellumu, que la so duración puede ser d'unos minutos a unes poques hores. Esti tipu d'actividá amenorga les posibilidaes de qu'esista vida na redolada d'estes estrelles.

Les estrelles más cercanes a TZ Arietis son la Estrella de Teegarden, a unos 4 años lluz de distancia, y la Estrella de Van Maanen, a 4,8 años lluz.

Ver tamién[editar | editar la fonte]

Referencies[editar | editar la fonte]