Super Bowl XXXVIII

De Wikipedia
Saltar a navegación Saltar a la gueta
Wikipedia:Correxir

Plantía:Ficha de Super Bowl

El Super Bowl XXXVIII[1]foi'l partíu de fútbol americanu que definió al campeón de la temporada 2003-04 de la NFL. El partíu apostóse'l día 1 de febreru de 2004 nel estadiu Reliant Stadium de la ciudá de Houston, Texas. Enfrentó al campeón de la NFC Carolina Panthers y al campeón de l'AFC los New England Patriots. El títulu quedó en manos de los New England Patriots quien ganaron 32-29 y de esta manera llograron el so segundu títulu de Super Bowl en 3 años.

Resume del partíu[editar | editar la fonte]

El primer cuartu del Super Bowl XXXVIII [2]terminó empatáu en cero dempués de que Vinatieri fallara un gol de campu de 31 yardes. Nel segundu cuartu Shane Burton bloquió-y un intentu de gol de campu a Vinatieri. Los Patriots abrieron el marcador depués de que Deion Branch atrapó un pase de 5 yardes llanzáu por Tom Brady. Los Panthers respondieron con un pase de 39 yardes de Jake Delhomme para Steve Smith. Con pocu más d'un minutu pa terminar la primer metá, los Patriots tomaron el balón, y 6 xugaes dempués anotaron con un pase de 5 yardes de Brady pa David Givens. Faltando 5 segundos, pa terminar el segundu cuartu, John Kasay anotó un gol de campu de 50 yardes pa Carolina, dexando'l xuegu 14-10 a favor de New England na primer metá. Nel tercer cuartu la resultancia nun se movió. Nel postreru cuartu los Patriots aumentaron la so ventaya a 11 puntos dempués d'un acarretu de dos yardes de Antowain Smith. Los Carolina Panthers respondieron con una escapada de 33 yardes de DeShaun Foster hasta la zona d'anotación, fallaron la conversión de 2 puntos. Depués Brady foi interceptáu, que foi aprovecháu por Delhomme que llanzó un pase de 85 yardes pa Muhsin Muhammad (la xugada ofensiva más llarga de la hestoria de los Super Bowl). Nuevamente Carolina intentó la conversión de 2 puntos y falló. Los Patriots tomaron el balón y tres 11 xugaes y cuatro minutos, retomaron la ventaya con un pase d'una yarda de Brady pal apoyador Mike Vrabel, dempués d'una conversión de 2 puntos dexaron el partíu 29-22. Los Panthers igualaron el partíu con un pase de 12 yardes de Delhomme pa Ricky Proehl. Con un minutu y ocho segundos nel reló de xuegu, los New England Patriots armaron una bona ofensiva que llegó hasta la yarda 23 de Carolina, nuevamente,y como asocediera nel Super Bowl XXXVI, Adam Vinatieri anotó un gol de campu de 41 yardes pa da-y el trunfu a los New England Patriots. Tom Brady, que foi escoyíu per segunda vegada'l xugador más pervalible, terminó con 354 yardes al completar 32 pases de 48 intentos con tres anotaciones y una intercepción, ente que Deion Branch consiguió 143 yardes con 10 recepciones (una p'anotación). Pel llau de los Carolina Panthers Jake Delhomme llanzó pa 323 yardes con 33 pases completos de 16 intentos y con trés touchdowns; Muhsin Muhammad llogró 4 recepciones pa 140 yardes.

Referencies[editar | editar la fonte]

  1. «Super Bowl XXXVIII» (inglés). Consultáu'l 3 de xineru de 2013.
  2. «Super Bowl XXXVIII» (español). Archiváu dende l'orixinal, el 6 de marzu de 2005. Consultáu'l 3 de xineru de 2013.

Ver tamién[editar | editar la fonte]

Super Bowl XXXVIII