Super Bowl XX

Super Bowl XX
Xeneral
Deporte	fútbol americanu
Sede	Mercedes-Benz Superdome
Estáu	Estaos Xuníos
Ganador	Chicago Bears
Estadístiques
Participantes	Chicago Bears (46); New England Patriots (10)
Cronoloxía

.

El Super Bowl XX^[1] foi'l nome que se-y dio al partíu de fútbol americano que definió al campeón de la temporada 1985-86 de la NFL. El partíu apostóse'l 26 de xineru de 1986 nel estadiu Luisiana Superdome de la ciudá de Nueva Orleans (Luisiana) ente'l campeón de la NFC, los Chicago Bears y el campeón de l'AFC, los New England Patriots. El títulu quedó en manes de los Chicago Bears, quien llograron el so primera Super Bowl.

Resume del partíu[editar | editar la fonte]

Nel primer cuartu del Super Bowl XX^[2] los Patriots anotaron primero con un gol de campu de Tony Franklin de 36 yardes, al minutu d'arrincáu'l xuegu. Sicasí, los Bears con 2 goles de campu de Kevin Butler de 28 y 24 yardes respeutivamente y más un touchdown de Matt Suhey de 11 yardes, daríen vuelta al resultáu. Nel segundu cuartu, Jim McMahon con una carrera de 2 yardes y un gol de campu de Butler de 24 yardes, mandaba al descansu a los Bears enriba nel marcador por 23-3. Nel tercer cuartu, los Bears con 3 anotaciones, primero de Jim McMahon con un acarretu d'una yarda, depués Reggie Phillips con una torna de 28 yardes (interceptó un pase de Steve Grogan) y William Perry con una carrera d'una yarda liquidaríen el xuegu. Nel postreru cuartu los Patriots anotaríen con un pase de 8 yardes de Steve Grogan pa Irving Fryar. Sobre'l final del xuegu Henry Waechter prindaría a Grogan na so zona d'anotación produciendo un safety y asina sumando 2 puntos más pa los Chicago Bears quien s'impunxeron por 46-10. La defensiva de los Bears (considerada la meyor d'esa temporada) tuvo perfecta, solo dexó-y 7 yardes per tierra a los Patriots (la peor actuación d'un equipu nun Super Bowl) y prindó al so mariscal 7 vegaes. El xugador más pervalible foi'l defensivu Richard Dent, quien forzó 2 balones sueltos y bloquió un pase.

Ver tamién[editar | editar la fonte]

Ganadores del Super Bowl

Referencies[editar | editar la fonte]

↑ «Super Bowl XX» (inglés). Consultáu'l 11 de xineru de 2013.
↑ «Super Bowl XX» (castellanu). Archiváu dende l'orixinal, el 10 d'abril de 2005. Consultáu'l 11 de xineru de 2013.

[1] «Super Bowl XX» (inglés). Consultáu'l 11 de xineru de 2013.

[2] «Super Bowl XX» (castellanu). Archiváu dende l'orixinal, el 10 d'abril de 2005. Consultáu'l 11 de xineru de 2013.

[1]

[2]