Sufreral de Boxo

Sufreral de Boxo
	área protexida, monumentu natural d'España y alcornocal (es)
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Allande
Coordenaes	43°16′39″N 6°47′18″W / 43.277436°N 6.788286°O
	Sufreral de Boxo Sufreral de Boxo (Asturies)
Historia y usu
Apertura	2002
Arquiteutura
Superficie	12,20932 ha

El Sofreral de Boxu ye un grupu sufreres o carbayos corques de la triba quercus suber, que s'atopa nel conceyu d'Allande, enmarcada nes Sierres de Carondio y Valledor, averada al pueblu Boxo, na fastera d'A Serra de Murellos.

Ta formáu por dos mases d'árboles dalgo separtaes ente sí, les dos tienen árboles vieyos y novalinos. Esta viesca de sufreres ye la más importante d'Asturies y debe la so estrañeza a la so situación xeográfica, siendo un árbol de llatitúes más caldies.

La regulación del descorteyáu quedó recoyida nel Decretu de Declaración del Monumentu Natural nel añu 2002, quedando prohibíos los descorteyaos masivos de los árboles y que nun seyan d'usu tradicional.

Nesti sufreral destaca la presencia de la llagartesa serrana qu'apaez en cuetes más baxes que nel restu de la cordelera. Les aves presentes nesti espaciu son les típicas de los espacios forestales asturianos, pudiendo destacar por algamar una densidá dalgo más elevada'l capellán. Amás, nun ye raro ver esnalar al buzacón.

Accesos[editar | editar la fonte]

Dende La Puela, pela AS-14 contra a Grandas y llueu l'ALL-4 hasta Bendón. Dende ellí per una pequeña carretera hasta Is y posteriormente per una pista forestal hasta'l pueblu de Boxo.

Referencies[editar | editar la fonte]

Enllaces esternos[editar | editar la fonte]

Wikimedia Commons tien conteníu multimedia tocante a Sufreral de Boxo.