Skinhead

De Wikipedia
Saltar a: navegación, buscar
Skinhead nazi

Skinheads, términu que significa cabeces pelaes, ye utilizáu pa denomar a los miembros d'un movimientu orixináu en Gran Bretaña nos años 60. Anguaño hai una gran variedá de skins con diverses ideoloxíes polítiques.

Orixe[editar | editar la fonte]

Los oríxenes remontense a Xamaica, onde xóvenes negros escomencipiaron a imitar a los gangsters de les películes estaunidenses (v. cine de gángsters) vistiéndose como ellos y sintiendo una música pegadiza con munchu ritmu denomada ska. Esta mocedá autodenomináronse rude-boys (mozos rudos).

Cuando les foleaes d'inmigrantes aportaron a Inglaterra a mediaos de los 60 estos rude-boys entamaron a xuntase con mods (movimientu de xóvenes ingleses que formaben una corriente opuesta al flower power de los hippies), colos que compartíen gustos pola música y la violencia.

Los Mods ficiéronse más radicales cuando'l movimientu Hippie medró, rapándose la tiesta y convirtiéndose en Hard-Mods. Pronto crearon una nuea estética que los destremaba: botes con punta d'aceru y tirantes, como tributu al obreru, y el pelo mui cortu, como señal de marxinalidá o en contraposición a los Hippies.

Esta corriente estendióse per toa Inglaterra. Nel añu 1969, no que se denoma espíritu del 69, podíen alcontrase skinheads blancos y negros xuntos caminando les cais de les grandes urbes ingleses; apareciendo un movimientu al que les autoridaes nun supieron contrarrestar.

Coincidió tamién con una dómina na qu'hebo una gran inmigración de pakistaninos y les pelees ente ellos y los skinheads yeren constantes. Por esti enfrentamientu a estos Skinheads se-yos acusó de racismu, pesie a haber xamaicanos prietos ente ellos.

Ver tamién[editar | editar la fonte]

Enllaces esternos[editar | editar la fonte]


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.