Sistema téunicu d'unidaes

Sistema téunicu d'unidaes
sistema d'unidaes y sistema métricu decimal

El sistema téunicu d'unidaes ye un sistema d'unidaes qu'abarca delles unidaes del primitivu Sistema Métricu Decimal, qu'inda s'utilicen porque munches d'elles son fáciles de comprender y usar.

Al definir les distintes unidaes tomáronse aplicaciones direutes ensin rellación coles demás unidaes, definiéndose d'esta miente'l primitivu sistema métricu decimal. Asina, por exemplu, pa la presión creáronse dos unidaes distintes; per un llau los qu'estudiaben les bombes pa elevar l'agua, crearon el metru de columna d'agua (m.c.a.), mentes que los qu'estudiaben l'atmósfera crearon el milímetru de columna de mercuriu (mmHg), que depués foi llamáu torricelli.

Cuando se llegó al alcuerdu d'unificar tolos sistemes nún solu, el Sistema Internacional d'Unidaes, viose la necesidá d'evitar tresformaciones estrañes d'unes a otres unidaes y éstes foron anulaes, pero siguen utilizándose nesti Sistema Téunicu.

Básicamente ye'l sistema métricu, o más bien el que se llamó MKS (Metru, Quilogramu, Segundu), con dalguna variante como la utilización de la hora, como unidá de tiempu, en dalgunos casos.

En determinaes aplicaciones téuniques utilícense unidaes cómodes pa los cálculos, como por exemplu:

• Unidá de fuercia: quilogramu fuercia (kgf) o quilopondiu (kp)
• Unidá de presión: metru de columna d'agua (m.c.a.)
• Unidá d'enerxía: caloría (cal)
• Unidá de potencia: caballu de vapor (CV)

Otros sistemes

• Sistema Internacional d'Unidaes
• Sistema Métricu Decimal
• Sistema Ceguesimal o cgs (de centímetru, gramu, segundu)
• Sistema Anglosaxón d'Unidaes
• Sistema Xaponés d'Unidaes

Enllaces esternos

• Wikimedia Commons tien conteníu multimedia tocante a Sistema téunicu d'unidaes.

• Datos: Q1213508