Shaheed Minar

De Wikipedia
Saltar a: navegación, buscar
Shaheed Minar
Shaheed minar Roehl.jpg
Situación
Coordenaes 23°43′38″N 90°23′48″E / 23.7272, 90.3967Coordenaes: 23°43′38″N 90°23′48″E / 23.7272, 90.3967
Error de Lua en Módulu:Minimapa na llinia 442: Unable to find the specified Minimapa definition. Neither "Module:Minimapa/data/Bangladex" nor "Template:Minimapa Bangladex" exists.
Arquitectura
Arquiteutu Hamidur Rahman
Cambiar los datos en Wikidata

El Shaheed Minar (en bengalí: শহীদ মিনার) ye un monumentu nacional asitiáu en Dhaka, en Bangladex, fechu pa conmemorar a los mártires del movimientu pola conservación de la llingua materna nel 1952. (Shaheed significa mártir).

Pa entender la situación que llevó al nacimientu d'esti monumentu tenemos de recordar que Bangladex, fasta'l 1971, era la parte oriental del Paquistán, polo que llamabase Paquistán oriental. La llingua oficial yera l'urdu, que se falaba nel Paquistán occidental (l'actual Paquistán) y la llingua bengalí, anque la falaben más de cien millones de persones, nun esfrutaba de los mesmos drechos.

Esto llevó nel añu 1952 al nacimientu d'un movimientu de protesta: el Movimientu pola llingua (en bengalí: ভাষা আন্দোলন; Bhasha Andolon). el 21 de febreru de 1952 docenes d'estudiantes y activistes políticos morrieron cuando la policía paquistanina abrió fueu sobro los manifestantes que pidíen pa la so llingua nativa, el bengalí (en bengalí: বাংলা; ˈbaŋla), los mesmos drechos que la llingua urdu. La masacre tuvo llugar cerca de la Facultá de Medicina ya'l parque de Ramna, en Dhaka. Esa mesma nueche construyóse un monumentu por estudiantes universitarios de Dhaka y otres instituciones, pero les fuerces paquistanines desaniciáronlu de secute.

El primer Shaheed Minar, llevantáu el 22 de febreru de 1952. La policía y l'exércitu del Paquistán desaniciáronlu cuatro díes dempués.

Al final trunfa'l movimientu pola llingua y, dempués d'años de conflictu, nel añu 1956 el gobiernu central cede y concede l'estáu de llingua oficial al bengalí, que consigue d'esti mou los mesmos drechos que l'urdu. N'alcordanza de los mártires Hamidur Rahman, un escultor llocal, proyeutó y construyó el Shaheed Minar. El monumentu remaneció nel llugar fasta la guerra del añu 1971 cuando los militares paquistaninos lu desaniciaron demientres les aiciones escontra los civiles que causaron 3.000.000 de víctimes.

Tres la independencia de Bangladex el monumentu reconstruyóse. Güei el Shaheed Minar ye'l centru de les actividaes culturales de Dhaka.

El 21 de febreru faise alcordanza de les víctimes del esterminiu y recientemente la Unesco escoyó la mesma data como Día Internacional de la Llingua Materna.

Referencies[editar | editar la fonte]

Enllaces esternos[editar | editar la fonte]