Sentinel del Norte

De Wikipedia
Saltar a navegación Saltar a la gueta
Sentinel del Norte
North Sentinel Island.jpg
Alministración
PaísBandera de India India
TerritoriosIslles Andamán y Nicobar
Tipu entidá Islla
Xeografía
Coordenaes 11°33′N 92°15′E / 11.55°N 92.25°E / 11.55; 92.25Coordenaes: 11°33′N 92°15′E / 11.55°N 92.25°E / 11.55; 92.25
Sentinel del Norte is located in India
Sentinel del Norte
Sentinel del Norte
Sentinel del Norte (India)
Superficie 59.67 km²
Altitú 122 m
Demografía
Población 150 hab. (2018)
Porcentaxe 0.04% de Islles Andamán y Nicobar
Densidá 2,51 hab/km²
Más información
Estaya horaria UTC+05:30 y estaya horaria de la India
Cambiar los datos en Wikidata

Sentinel del Norte (n’inglés North Sentinel Island) ye una islla pequeña de 72 km² y unos 8 km d'anchor nel Océanu Índicu. Allúgase nel golfu de Bengala y pertenez al archipiélagu de les Islles Andamán.

Ye’l llar de los sentineleses. Oficialmente ta alministrada pola India, anque esti país reconoz el derechu de los nativos al so aisllamientu. Esto implica que pue considerase una entidá soberana baxo proteición india.

La esploración de la islla nun ye posible pola hostilidá de los nativos a cualesquier contautu esternu.

Xeografía[editar | editar la fonte]

Hasta 2004, la islla tenía alredor de 72 km² y un aspeutu más o menos cuadráu. Arrodiando la islla, detrás d'una playa estrecha, el terrén elevábase abruptamente hasta 20 m, y lluéu más adulces dica los 98 m, averáu al centru. Los arrecifes estendíense pela islla ente 800 y 1300 m de la oriella. Un castru viescosu, llamáu Constance, atopábase a unos 600 m de la costa sureste. Na fin del arrecife.

En 2004 un terremotu [1] camudó esta situación. Inclinó la placa teutónica sobre la que s’encontia la islla y llevantóla ente 1 y 2 m. Grandes estensiones de los arrecifres de coral qu'arrodien la islla fueron espuestos y convirtiéronse en tierra permanentemente seca o llagunes poco fondes, ampliando la superficie emerxida de la islla. El castru de Constance quedó xuníu a la islla principal.

La islla ta anubría por una xungla trupo y nun tien puertu natural dalgún nel qu'atracar. La barrera d'arrecife que la endolca fai inda más abegoso averase a ella per barcu.

La Islla Sentinel del Sur allúgase a 60 km al sur de la del Norte.

Hestoria[editar | editar la fonte]

Los onge son los habitantes nativos de les islles andamaneses. Conocíen la esistencia de Sentinel del Norte. Paez ser que la llingua de dambos pueblos ye inintelexible ente sí. Cualesquier intentu de contautu voluntariu o fortuitu colos sentineleses foi siempres retrucáu con violencia. Asina, del últimu que se tien constancia’l 26 de xineru de 2006, dos pescadores, Sunder Raj, de 48 años, y Pandit Tiwari, de 52, morrieron en manes de los sentineleses cuando’l so barcu s’averó accidentalmente a la islla cuando pescaben cámbaros [2].

Dende entós, nun hebo más contautu ente los sentineleses y el restu de la humanidá, estableciéndose una zona d'esclusión de 3 milles alredor de la islla.

Demografía[editar | editar la fonte]

Sentinel del Norte ye’l llar de la tribu d'indíxenes de los sentineleses. Estímase que la so población oscila ente 50 y 400 persones[3]. Pol so refugu violentu a cualesquier averamientu con ellos considérense una de les caberes tribus que se caltienen ensin influyencia de la civilización moderna. Créese que l'afectación del terremotu de 2004 pudo causar una mortalidá considerable na población. Un vuelu n’helicópteru unos díes depués confirmó qu'al menos había varios supervivientes.

Enllaces externos[editar | editar la fonte]

[1]

  1. http://cienciadesofa.com/2013/07/isla-sentinel-del-norte.html