Santiago de Querétaro

De Wikipedia
Centru financieru de Santiago de Querétaro.

Santiago de Querétaro, conocida habitualmente como Querétaro, ye la capital y principal ciudá de l'estáu mexicanu de Querétaro, asitiáu na fastera central de Méxicu. Forma parte de la macrorrexón d'El Bajío, y ta allugada 213 km al noroeste de Ciudá de Méxicu, a 63 km al suroeste de San Miguel de Allende y a 200 km al sur de San Luis Potosí[1]. La so población, de 804.663 habitantes (2010), repártense ente los siete barrios de la ciudá: Josefa Vergara y Hernández, Felipe Carrillo Puerto, Centro Histórico, Cayetano Rubio, Santa Rosa Jáuregui, Félix Osores Sotomayor y Epigmenio González. En 1996, el so centru históricu foi declaráu Patrimoniu de la Humanidá pola UNESCO.

Santiago acumula reconocimientos como l'área metropolitana más segura y con meyor calidá de vida de Méxicu[2], y como una de les más dinámiques d'América Llatina[3]. Ye un importante centru económicu y de negocios[4] y una vigorosa ciudá de servicios que vive un importante procesu de revitalización social y económica dende mediaos de la década de 1990. El so área metropolitana tien el segundu productu interior brutu per cápita mayor de toles del país, tres de la de Monterrey. La ciudá, la de mayor crecimientu económicu del país, basa'l so espoxigue económicu nos sectores de servicios loxísticos, procesamientu de datos, construcción y mantenimientu aeronáuticu, automoción, agroalimentariu y químicu. Tien, tamién, un potente sector vinícola, el segundu mayor del país.

Referencies[editar | editar la fonte]

  1. Santiago de Querétaro, na web www.elclima.com.mx
  2. «Historia de la ciudá de Querétaro». Archiváu dende l'orixinal, el 21 d'ochobre de 2013. Consultáu'l September 7, 2014.
  3. «Economía Archivos - Televisa News».
  4. «El desarrollo económico en la región de El Bajío». Archiváu dende l'orixinal, el 3 d'avientu de 2012. Consultáu'l 15 d'abril de 2018.