Sabiha Gökçen

De Wikipedia
Saltar a navegación Saltar a la gueta
Sabiha GökçenPicto infobox character.png
Sabiha Gokcen with cap.jpg
Vida
Nacimientu Bursa22  de marzu de 1913
Nacionalidá Bandera de Turquía Turquía
Fallecimientu Ankara22 de marzu de 2001 (88 años)
Sepultura Military Cemetery of Cebeci Traducir
Familia
Padre Mustafa Kemal Atatürk
Estudios
Estudios Üsküdar American Academy Traducir
Oficiu
Oficiu aviadora y militar
Premios
Cambiar los datos en Wikidata

Sabiha Gökçen (Bursa, 22 de marzu de 1913Ankara, 22 de marzu de 2001) foi una militar y aviadora, conocida por ser la primer aviadora de combate nel mundu y la primer muyer aviadora de Turquía, a la edá de 23 años.[1][2] Foi tamién una de los ocho neños adoptaos de Mustafa Kemal Atatürk.

Biografía[editar | editar la fonte]

Los oríxenes de Sabiha Gökçen nun tán claros. Según la historiografía oficial turca, foi adoptada por Atatürk mientres una visita d'ésti a Bursa en 1925, al tener conocencia de les males condiciones en que vivía. Sabiha convirtióse asina n'otra de los neños adoptaos por Atatürk, morando nel Palaciu Presidencial d'Ankara. Realizó los sos estudios na capital turca y n'Istambul. Dende mozu viose estelada pel mundu de l'aeronáutica.

En 1936 entró na Academia de la Fuercia Aérea Turca, realizando amás un cursu de formación na Xunión Soviética; darréu llogró la so llicencia de pilotu. Mientres los 28 años que tuvo na Fuercia aéreo, realizó 8.000 hores de vuelu y probó 22 tipos d'aviones.[3] N'ingresando na Fuercia Aérea Turca, en xunu de 1937 realizó amás el so primer serviciu de guerra bombardeando les posiciones de rebeldes curdos mientres la Rebelión de Dersim.[4] En 1938, poco primero de la muerte de la so mentor, realizó un esitosu raid aereu poles capitales de los Balcanes que-y dio gran celebridá.

Sabiha convirtióse asina nel símbolu de la nueva Turquía republicana, moderna y secular, que Atatürk encarnaba.[2]

Homenaxes[editar | editar la fonte]

El segundu aeropuertu d'Istambul foi nomáu Aeropuertu Internacional Sabiha Gökçen nel so honor.[5]

Foi escoyida p'apaecer nel póster "Los 20 aviadores más grandes de les hestoria" de la Fuercia Aérea de los Estaos Xuníos en 1996, siendo la única muyer nel póster.[3] El buscador Google'l 22 de marzu de 2009 camudó'l so logo na so versión turca pa homenaxala.

Referencies[editar | editar la fonte]

  1. Sabiha Gokcen biography, Hargrave Pioneers of Aviation
  2. 2,0 2,1 M. Şükrü Hanioğlu (2011). Ataturk: An Intellectual Biography, páx. 210
  3. 3,0 3,1 Rosalind Miles, Robin Cross (2011). Warrior Women: 3000 Years of Courage and Heroism, páx.275
  4. Sylvia Kedourie (2000). Seventy-five Years of the Turkish Republic, páx. 21
  5. Peter J. Munson (2013). War, Welfare & Democracy: Rethinking America's Quest for the End of History, páx. 151

Enllaces esternos[editar | editar la fonte]



Sabiha Gökçen