Rosario Fernández Hevia

De Wikipedia
Rosario Fernández Hevia
Vida
Nacimientu Mieres, 30 de xineru de 1959
Nacionalidá España
Muerte Valencia, 23 de mayu de 2019 (60 años)
Oficiu xueza
Cambiar los datos en Wikidata

Rosario Fernández Hevia (30 de xineru de 1959, Mieres – 23 de mayu de 2019, Valencia), conocida tamién como Charo Hevia, foi una maxistrada asturiana. Pasó la mayor parte de la so carrera xudicial en Xixón, onde aportó a xueza decana, antes de treslladase a l'Audiencia Provincial de Valencia. Declarada feminista y militante d'izquierdes, como profesional destacó polos sos «firmes principios», que defendió «a cuenta del so prestixu profesional».[1][2]

Biografía[editar | editar la fonte]

Nacida en Mieres, Asturies, coló con diez años a Xixón por treslláu del so padre.[3] Decidió estudiar Derechu depués de producise'l crime d'Atocha contra dellos abogaos.[4] Empecipió la so carrera profesional en 1986, destinada en Ponferrada, Llangréu y Madrid antes d'establecese en Xixón en 1992.[1] Ellí foi titular del xulgáu de lo penal númberu 2.[4]

Mientres la primer década del sieglu XXI tuvo que dexar el xulgáu mientres unos meses por cuenta de problemes de salú. En 2001 recibió'l premiu Comadre d'Oru de la Tertulia Feminista Les Comadres.[5] La Comisión Disciplinaria del Conseyu Xeneral del Poder Xudicial expedientóla en 2007 por atropar hasta 148 sentencies ensin dictar ente 2005 y 2006.[1]

Nel añu 2015 incorporóse como maxistrada a la Audiencia Provincial de Valencia.[1]

N'abril de 2019 xubilóse por incapacidá permanente. Finó'l 23 de mayu d'ese mesmu añu por enfermedá pulmonar.[1]

Referencies[editar | editar la fonte]

  1. ↑ 1,0 1,1 1,2 1,3 1,4 «Fallece la magistrada Rosario Fernández Hevia» (castellanu).
  2. ↑ «Fallece la magistrada Charo Fernández Hevia» (castellanu).
  3. ↑ «Multitudinario homenaje a Rosario Fernández Hevia, la "jueza valiente"» (castellanu).
  4. ↑ 4,0 4,1 ««Charo siempre fue la abogada de las causas perdidas y una rebelde»» (castellanu).
  5. ↑ «Fallece la magistrada Rosario Fernández Hevia» (castellanu).

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Rosario_Fernández_Hevia&oldid=4097443»