Restolador web

De Wikipedia
Ficha de softwareRestolador web
Creador Tim Berners-Lee
Versión inicial 1990
Tipu tipu de software, especialidá y campu d'estudiu
Cambiar los datos en Wikidata

Un restolador web o navegador web, ye una aplicación software que permite al usuariu recuperar y ver documentos d'hipertestu, polo xeneral fechos en HTML, dende sirvidores web de tol mundu al traviés d'Internet. Esta rede de documentos nómase World Wide Web (WWW). Los documentes nun tienen que tar obligatoriamente nun sirvidor: tamién puede accedese a los documentos de la propia máquina del usuariu. Los navegadores d'anguaño permiten amosar o executar: gráficos, secuencies de videu, soníu, animaciones y programes de toa triba, amás del testu y los hiperenllaces.

Los documentos que s'amuesen, nomaos páxines web, tienen hiperenllaces que encadenen una porción de testu o una imaxe a otru documentu, normalmente rellacionáu col testu o la imaxe.

El seguimientu d'enllaces d'una páxina a otra, ubicada en cualesquier ordenador coneutáu a Internet, ye lo que nomamos navegación; que ye de donde sal el nome de navegador.

Historia de los restoladores[editar | editar la fonte]

El primer restolador, desarrolláu nel CERN a fines de 1990 y entamando 1991 por Tim Berners-Lee, yera bastante sofisticáu y gráficu, pero namás valía pa estaciones NeXT.

El restolador Mosaic, que valía nun primer momentu pa entornos UNIX sobre X11, fue'l primeru que llegó a estendese gracies a que'l NCSA preparó de secute versiones pa Windows y Macintosh. D'otra mena, poco más tarde entró nel mercáu Netscape Navigator que superó aína'n capacidaes y velocidá a Mosaic. Esti navegador tien la ventaxa de funcionar en cuasi tolos UNIX, así como en entornos Windows.

Usu estimáu de los restoladores nel periodu 1996-2005

El popular restolador web de Microsoft, Internet Explorer, anque salío tarde al mercáu de los restoladores web, consiguió desbancar al Netscape Navigator ente los usuarios de Windows. Nos caberos años vívese una auténtica esplosión del númberu de restoladores, qu'ufierten cada vegada más integración col entornu de ventanes nel que trabayen. Netscape Communications Corporation lliberó el códigu fonte del so restolador, ñaciendo asina el navegador Mozilla.

Finalmente Mozilla reescribiose dende cero tras decidise a desarrollar y usar como base un nuevu conxuntu de widgets multiplataforma basáu en XML namáu XUL y esto fizo que tardara bastante más de lo previsto en espublizase, apareciendo una versión 1.0 de gran calidá y pa munchísimes plataformes y idiomes al tiempu'l 5 de xunu de 2002 (esta versión 1.0 de Mozilla fue'l primer navegador n'asturianu).

A fines de 2004 aparez nel mercáu Mozilla Firefox, una rama de desarrollu de Mozilla que pretende facese con parte del mercáu d'Internet Explorer. Ye un navegador más llixeru que'l so hermanu mayor.

Funcionamientu de los restoladores[editar | editar la fonte]

La comunicación ente'l sirvidor web y el restolador faise al traviés del protocolu HTTP, anque la mayoría de los restoladores soporten otros protocolos como FTP, Gopher, y HTTPS (una versión cifrada de HTTP basada en SSL).

La función principal del restolador ye descargar documentos HTML y amosalos en pantalla. Anguaño, amás d'esti tipo de documentos rendericen col mesmu imáxenes, sones y dellos casos videos (streaming) en dellos formatos y protocolos. Amás, pueden almacenar la información nel discu o facer marcadores de les páxines más visitaes o preferíes.

Dalgunos de los restoladores web más populares vienen no que vien nomándose una Suite. Estes Suites traen varios programes integraos pa lleer noticies d'Usenet y corréu lletrónicu al traviés de los protocolos NNTP, IMAP y POP.

Los primeros restoladores web sólo soportaben una versión mui simple de HTML. El rápidu desarrollu de los restoladores web privativos llevó al desarrollu de dialeutos non estándares de HTML y a problemes d'interoperabilidá na WWW. Los más modernos (como Amaya, Mozilla, Opera y versiones recientes d'Internet Explorer) soporten los estándares HTML y XHTML (entamando con HTML 4.01, los que deberíen vese igual en toos ellos).

Los estándares web son espublizaos pol World Wide Web Consortium.

Exemplos de restoladores web[editar | editar la fonte]

Restoladores web basaos en testu:

Primeros restoladores (que ya nun tán en desarrollu):

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]