Recife

De Wikipedia
Saltar a: navegación, buscar
Recife
Bandera de Brasil Brasil
Montagem Recife (3).jpg
Band recife.png Brasaorecife.jpg
Alministración
País Bandera de Brasil Brasil
Estado Pernambuco
Tipu entidá ciudá con más d'un millón d'habitantes
Nome llocal Recife
Códigu postal 50000-000
Xeografía
Coordenaes 8°03′14″S 34°52′51″O / -8.0538888888889, -34.880833333333Coordenaes: 8°03′14″S 34°52′51″O / -8.0538888888889, -34.880833333333
Recife is located in Brasil
Recife
Recife
Recife (Brasil)
Superficie 218 km²
Altitú 10 m y 4 m
Demografía
Población 1 555 039 hab. (31 avientu 2012)
Densidá 7133,21 hab/km²
Más información
Fundación 1537
Estaya horaria UTC−3 y UTC−2
Llocalidaes hermanaes Cantón, Arrecife, Amsterdam, Nantes, Macáu, Porto y Barcelos
www.recife.pe.gov.br/
Cambiar los datos en Wikidata

Recife ye una ciudá de Brasil, capital d'estáu de Pernambuco. El so municipiu, de 218 km² d'estensión, tien 1.561.659 habitantes (Instituto Brasileiro de Geografia e Estatística, 2009). La so área metropolitana, de 3.768.902 habitantes, ye la mayor de tou el norte y noreste de Brasil y la cuarta en población de tou el país. La ciudá ta asitiada nel llugar nel quel ríu Beberibe s'axunta col Capibaribe, que desemboca nel océanu Atlánticu na mesma ciudá, que tien ún de los puertos más importantes del país. Amás del Capibaribe, hai munchos otros ríos más pequeños que desagüen al mar na ciudá y determinen la formación de milenta islles xuníes por más de 50 pontes: tou eso caracteriza el trazáu de la ciudá, que ye conocida como la Venecia brasileña.

Una de les playes de Recife.

La Rexón Metropolitana de Recife ye'l principal centru industrial del estáu de Pernambuco, y inclúi fábriques alimentaries, de productos electrónicos y, perriba de too, de derivaos de la caña de azúcar (azúcar, bioetanol...). Les más d'elles instaláronse nes décades de 1970 y 1980 aprovechando los incentivos fiscales del gobiernu, y complementen el papel tradicional de la ciudá como centru comercial del norte-noreste de Brasil: hai asentaes nella más de 52.500 empreses, y otres 32.500 más na so área metropolitana. Amás d'ello, la ciudá ye, dempués de São Paulo, el segundu centru más importante del país n'atención médica, con hospitales peravanzaos y perequipaos qu'atraen pacientes de los estaos vecinos.

El sector turísticu, como en toles ciudaes del noreste, ta desarrolláu enforma . La sablera de Porto de Galinhas, que ta a 60 km al sur de la ciudá, tien fama de ser una de les más guapes de too Brasil, y la ciudá mesma recibe bien de turistes. P'agospialos, a ellos y a la xente que llega a ella por negocios al so aeropuertu internacional (nomáu Gilberto Freyre/Guararapes), hai una infraestructura de servicios de les más importantes del país. Sicasí, entá puede meyorar muncho.

La ciudá, d'otra banda, ye tamién un centru educativu de gran importancia. Destaca, ente les instituciones que s'asienten nella, la Universidá Federal de Pernambuco, la mayor del estáu.