Rasa llitoral asturiana
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La rasa llitoral asturiana ye una franxa costera llana que percuerre tol llitoral asturianu. Tien un anchor d'ente 3 y 5 quilómetros y afáyase escalonada en trés niveles, ente los 0 y los 300 metros.
Les rases foron modelaes poles variaciones del nivel de la mar demientres los periodos glaciares ya interglaciares del Cuaternariu. Nos trés periodos de tresgresión (hai 20, 12 y 2 millones d'años), ficiéronse trés superficies d'abrasión, que nos periodos de regresión marina quedaron elevaes. Dende entós la rasa tuvo sometida a la erosión fluvial y a procesos de carstificamientu nos seutores caliares orientales.
El númberu de niveles de la rasa varía nos estremaos tramos del llitoral. Los trés niveles namái s'aprecien nidiamente nel cabu Peñes y al este de Ribeseya.
- Al oeste d'Avilés namái s'aprecia un nivel, que ye'l resultáu de la fusión de los dos niveles d'arrasamientu más recientes.
- Na península'l Cabu Peñes apréciense perfechamente los trés niveles.
- Nel tramu oriental destrémense dos árees. Ente Xixón y Ribeseya los trés escalones desapaecen por mor del caráuter feble de los materiales y dende Ribeseya reapaecen con claridá. Nesti caberu sector, el nivel superior (ente los 100 y 300 metros d'altor), constitúi les nomaes sierres planes de cuarcita (Cue, Borbolla, Pimiangu), mentantu que'l nivel inferior, modeláu sobre roquéu caliar, contién formes peculiares de relieve cárstico, como los bufones (surtidores d'agua marino a presión nes cimes de los cantiles).
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q13147958