Raquel Fernández Menéndez
Raquel Fernández Menéndez | |
|---|---|
| Vida | |
| Nacimientu | Salas, |
| Nacionalidá |
 España |
| Estudios | |
| Estudios | Universidá d'Uviéu |
| Llingües falaes |
castellanu asturianu |
| Oficiu | escritora |
 | |
Raquel Fernández Menéndez ye una escritora asturiana qu'escribe en llingua asturiana.
Graduada en Llingua Española y sos Lliteratures na Universidá d'Uviéu, en 2013 ganó'l III Concursu Lliterariu que convoca la universidá col so poemariu Libélula (Ediuno, 2013).
Tien poemes incluyíos na antoloxía Poesía, alma del mundu(Círculo cultural de Valdediós, 2014)[1][2].
Asoleya dellos poemes en revistes como Fábula, "El Alambique", "El Coloquio de los perros"[3] o Formientu.
En 2016 gana'l décimu primer certame de poesía n'asturianu "Nené Losada Rico"[4] cola so obra El llibru póstumu de Sherezade</ref>.
En 2017 gana'l II Concursu de microrrellatos improvisaos n'asturianu pa xente mozo: Premiu Entaína a escribir[5]; asina mesmo n'agostu algama, col rellatu “La cazadora”, el XI Concursu de rellatos curtios en llingua asturiana de L'Horru del Carbayedo. Trátase d'un gallardón qu'entama l'asociación de vecinos El Hórreo del Carbayedo en collaboración cola Estaya de la Llingua del Conceyu d'Avilés [6]
La llectura d'un poema suyu, n'asturianu, na presentación d'un llibru de la Cátedra Emilio Alarcos, destapó mui al so pesar, la caxa los truenos. Miguel Alarcos, fíu del fináu caderalgu, afeó nesi mesmu actu l'usu del asturianu y la inclusión de tres poemes nuna antoloxía que dalguna manera rinde homenax al so pa. Hores dempués, cargó nel so grupu de Facebook contra la llingua: "Una puta mentira de políticos y filólogos paletos"[7].
El so poemariu El llibru póstumu de Sherezade algamó'l reconocimientu como Meyor Llibru del Añu 2017 de la Tertulia Lliteraria Malory[8]
Nel añu 2018 algamó'l premiu del XVI Concursu de Cuentos Curtios del Conceyu de Cangas na modalidá d'asturianu occidental a comuña con Marcos Martínez Fernández col trabayu tituláu El picadoiru[9].
Obres[editar | editar la fonte]
Referencies[editar | editar la fonte]
- ↑ El pais de Ammyt
- ↑ anaquelespolvorientos.blogspot.com.es
- ↑ El Coloquio de los perros
- ↑ X Certame Nené Losada
- ↑ II Concursu de microrrellatos improvisaos n'asturianu pa xente mozo: Entaína a escribir
- ↑ http://asturnews.com/raquel-fernandez-menendez-lleval-xi-premiu-de-rellatos-nasturianu-lhorru-del-carbayedo/
- ↑ Cátedra Emilio Alarcos
- ↑ 'El llibru póstumu de Sherezade', meyor llibru del 2017 pa la Malory asturies.com Consultao'l 27.06.2018
- ↑ Armando Gutiérrez, Raquel F. Menéndez y Marcos Martínez Fernández ganen el premiu de cuentos curtios de Cangas formientu.com Consultao'l 22.12.2018
- ↑ http://falarylleer.blogspot.com.es/2017/06/raquel-f-menendez-presental-so-poemariu.html
