Ramón María López Acevedo

De Wikipedia
Saltar a navegación Saltar a la gueta
Ramón María López Acevedo
Vida
Nacimientu Tapia1785
Nacionalidá Bandera d'España España
Fallecimientu

1826

(40/41 años)
Estudios
Llingües castellanu
Oficiu
Oficiu escritor y periodista
Xéneru artísticu poesía
Cambiar los datos en Wikidata

Ramón María López Acevedo (1785Tapia - 1826) foi un escritor, humanista, periodista y poeta asturianu.

Biografía[editar | editar la fonte]

Foi caderalgu de llatinidá en Grau y dempués n'Uviéu y en 1808 profesor interín de Prosodia na Universidá d'Uviéu. Collaboró en El Corréu Militar y Políticu de Castropol (1810) y en L'Observador d'Asturies (Uviéu, 1813). Publicó Oda a la muerte del Excelentísimo señor don Gaspar Melchor de Xovellanos, Uviéu, 1811, y Himnu patrióticu por cuenta de la llegada a Uviéu del Reximientu d'Asturies, Uviéu, 1814. Foi sociu de la Sociedá Económica d'Amigos del País ya intentó el teatru cola pieza A la fin trunfa la virtú y otres que nun fueron impreses. Lliberal mientres el Trieniu Constitucional, redactó n'Uviéu El Ciudadanu (1820), Ensalada Periodística (1820), El Momo (1820-1821) y, en Madrid, collaboró en L'Espectador (1821-1822) sol pseudónimu de El Momo, precisamente. Publicó'l diálogu El bon cura y los sos feligreses (Uviéu, 1820), onde defendía una interpretación moderada de la Constitución de Cádiz, y dedicóse a la enseñanza de les humanidaes n'Uviéu. En 1823 foi nomáu secretariu del Gobiernu políticu de Santander, pero la invasión francesa torgó-y tomar posesión; quixo entamar la resistencia en Xixón y otres llocalidaes, pero tuvo qu'embarcase en La Coruña y colar a Londres. Ellí editó en collaboración con Pedro Pascasio Fernández Sardinó L'Español Constitucional (1824-1825), nel que s'anunció como profesor d'humanidaes y de violín. Volviérase tan radical como Sardinó, hasta'l puntu de sentir como necesaria una dictadura como pasu previu necesariu pa la creación d'una democracia n'España, según Alberto Gil Novales. Escribió un poema burlesco contra'l Duque de Angulema, La Angulemaida, y topábase trabayando nun Proyectu de llingua universal cuando-y sosprendió la muerte.

Bibliografía[editar | editar la fonte]

  • Diccionariu Biográficu del Trieniu Lliberal, Madrid: El Muséu Universal, 1992.






Ramón María López Acevedo