Quintueles (parroquia)

Quintueles
Alministración
País	España
Autonomía	Principáu d'Asturies
Provincia	provincia d'Asturies
Conceyu	Villaviciosa
Partíu xudicial	Villaviciosa
Tipu d'entidá	parroquia d'Asturies
Xeografía
Coordenaes	43°31′59″N 5°34′09″W
Quintueles Quintueles (Asturies)
Superficie	8.76 km²
Altitú	143 m
Llenda con	Quintes, Arroes, Xixón, Cabueñes y Deva
Demografía
Población	881 hab. (2024)
Porcentaxe	5.73% de Villaviciosa
Densidá	100,57 hab/km²

Quintueles ye una parroquia del conceyu de Villaviciosa (Asturies). Llenda'l norte col mar Cantábricu, al sur cola parroquia de Deva (Xixón), al este coles parroquies de Xixón y Cabueñes (Xixón) y al oeste coles parroquies de Quintes y Arroes (Villaviciosa).

Xeografía

Asítiase nel llitoral cantábricu, na zona conocida como Les Mariñes. A unos 19 km. de Villaviciosa y 12 km de Xixón. Ye un pueblu costeru con guapos cantiles sobre'l mar Cantábricu con altures considerables. Trátase, colos sos 881 habitantes (2024), en 407 viviendes, de la segunda población más poblada del conceyu, tres la capital. Con 8,76 km² d'estensión, llenda al norte pel mar; al oeste con conceyu de Xixón; al este, Quintes y al sur, Arroes.

Llocalidaes

Nᵘ	Nome	Población	% población Quintueles (parroquia)
1	La Capellanía		n/d
2	Cazamular		n/d
3	Cerreo		n/d
4	La Corolla		n/d
5	Friuz		n/d
6	Granderroble		n/d
7	El Peñucal		n/d
8	Los Pisones		n/d
9	Rovigo	49	5,565,56%
10	San Clemente		n/d
11	La Venta la Esperanza		n/d
12	Quintueles	777	88,288,2%

Sitios

• Ca Castor
• El Fielato
• El Graneru
• El Llendón
• El Regatón
• El Vayu
• La Casona
• La Güerta
• La Rasuca
• La Tuerba
• Mataoveya

Economía

La población se dedicó a l'agricultura y a la ganadería dende antiguo, mas anguaño son les actividaes del sector secundariu les que predominen xunto a un puxante sector servicios.

Patrimoniu cultural

Los sos mayores monumentos son naturales como la sablera de la Ñora, la segunda más visitada de conceyu. Les múltiples sendes qu'esisten pal visitante. Los sos horros, quintes y grandes finques cultivaes colos productos estelares de la zona, como son la mazana y les fabes. Paquen la pena visitar les canteres de piedra arenisca de gran tradición na zona. Tien una pequeña ermida del sieglu XV que fai homenaxe a la Virxe de les Nieves, protexida nel so día por un gran carbayu.

Accesos

Pa llegar dende Xixón, garramos l'A-8 en direición a Santander y l'abandonamos na salida 378, direición Quintueles. Nel cruce cola N-632, yá dientro del pueblu, ha xirase haza la izquierda. Tres 200 metros, alcontrámonos, a la derecha, la carretera VV-I, en direición a la sablera de la Ñora. A unos dos quilómetros alcuéntrase lo que se pue considerar el centru del pueblu: la escuela y la Ilesia. Otra opción ye empobinamos pela carretera N-632 en direición a Villaviciosa. Poco dempués de pasar les instalaciones de la Llorea, déxase atrás el conceyu de Xixón y s'entra nel de Villaviciosa y, con ello, nel pueblu de Quintueles. A unos 3 quilómetros atoparemos el desvíu haza sablera de La Ñora. En total, unos 10 quilómetros dende Xixón.

Fiestes

• 5 d'agostu. Fiestes de Granderrroble. Virxe de les Nieves.
• 24 d'agostu. Fiestes de San Bartolomé.
• 23 de payares. Fiesta de San Clemente.
• Abril. Tienen gran sonadía'l Festival Gastronómicu de la Llámpara, que se celebra en primavera en Quintueles, organizáu pola Sociedá Cultural Recreativa "Clarín" de Quintes en collaboración con hosteleros de dambos pueblos.

Ver tamién

• Sablera de la Ñora

Enllaces esternos

• Quintueles n'OpenStreetMap.

• Datos: Q5198227