Plataforma per Catalunya

De Wikipedia
Saltar a navegación Saltar a la gueta
Plataforma per Catalunya
Sigles: PxC
Fundáu en: 2003
Presidente: Josep Anglada
Ideoloxía: Populista, rexonalista
Ámbitu: Cataluña
Estáu: N'activu
Web: www.plataforma.cat

Plataforma per Catalunya (PxC, Plataforma per Cataluña) ye un partíu políticu de Cataluña (España), que'l so nucleu políticu ye la crítica de l'actual política d'inmigración. La Plataforma, yá en 2003, refugó que la calificara como racista y xenófoba, identificándose como un partíu identitario y populista.

El programa políticu de PxC básase na oposición a la inmigración islámica, que considera una amenaza pa los principios democráticos imperantes na sociedá catalana, y reclama l'aplicación de "tolerancia cero" énte la delincuencia y el terrorismu, la defensa de los valores tradicionales de la familia y la proteición del mediu ambiente. El partíu propón una regulación más sólida énte la inmigración.

Nes eleiciones municipales de 2003 llogró un 10% de votos na ciudá barcelonesa de Vic, ciudá de la cual ye natural el so presidente, Josep Anglada. Nes eleiciones autonómiques de 2003 llegó a axuntar casi 5.000 votos en toa Cataluña, entá siendo estes les sos primeres eleiciones. Anguaño, tres les eleiciones municipales de 2007 PxC tien conceyales en siete llocalidaes catalanes: Vic, Manresa, Manlleu, y Roda de Ter (Barcelona), Cervera y Sant Martí de Riucorb (Lleida), Olot (Girona) y Vendrell (Tarragona).

Tres la so fundación, apaecieron n'otres comunidaes autónomes españoles grupos semeyantes colos que PxC caltién una estrecha vinculación. Anguaño ta en funcionamientu la Plataforma per la Comunitat Valenciana (PxCV, Plataforma pola Comunidad Valenciana n'asturianu).