Parque Dorado
43°17′44.06″N 5°40′54.48″W / 43.2955722°N 5.6818000°O
_12.jpg)
_13.jpg)
_10.jpg)
El Parque Dorado ta asitiáu nel centru de Sama, nel conceyu asturianu de Llangréu. Construyíu a primeros del sieglu XX nel terrén rellenáu después de construir el muru de contención del ríu Nalón, ya incluyíu en 2014 nel Inventariu Cultural del Principáu d'Asturies, el so nome débese al alcalde nel tiempu de la so construcción Antonio María Dorado y González.[1]
El parque
[editar | editar la fonte]Asitiáu cabo'l ríu Nalón, ye'l segundu parque en tamañu de Llangréu, tres el Parque Alcalde Antonio García Lago de La Felguera. Ta xuníu por una pasera col paséu de Los Llerones allugáu na otra vera del ríu, onde s'atopen centros educativos públicos y delles instalaciones deportives.
El parque tien forma allargada siguiendo'l calce del ríu Nalón, con dos paseos principales que se crucen nel centru, bordiaos con árboles y zones axardinaes. A los llaos de los paseos pueden atopase otros caminos más pequeños, amás d'estanques, palombares, estatues, etc. Na parte sureste del parque alcuéntrense delles instalaciones deportives y una de les estaciones de midida de la calidá del aire de Llangréu.
De vezu ye'l llugar de celebración de delles actividaes culturales, ente elles los conciertos de les fiestes de Santiago, alredor del 25 de xunetu.
Monumentos y llugares d'interés
[editar | editar la fonte]- Estatua "La Carbonera", dedicada a Luis Adaro
- Fonte de la Samaritana
- Quioscu de la Música
- Monumentu a los Caíos n'accidente de trabayu
- Estanque de los Coríos
- Estanque de les Carpes
- Palombar
- Rosaleda
- Estatua d'Antonio María Dorado
- Estatua d'Aurelio Delbrouck
- Cuélebres