Palaciu de la Ferrería

De Wikipedia
Saltar a navegación Saltar a la gueta
Palaciu de la Ferrería
Bien d'Interés Cultural
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuNava
Coordenaes 43°20′36″N 5°29′32″O / 43.343222°N 5.492306°O / 43.343222; -5.492306Coordenaes: 43°20′36″N 5°29′32″O / 43.343222°N 5.492306°O / 43.343222; -5.492306
Palaciu de la Ferrería is located in Asturies
Palaciu de la Ferrería
Palaciu de la Ferrería
Palaciu de la Ferrería (Asturies)
Patrimoniu
BIC RI-51-0007348
Cambiar los datos en Wikidata

El Palaciu de la Ferrería ye una construcción rural d'estilu renacentista-barrocu fundada nel sieglu XIV pola familia de los Álvarez de les Asturies. Afáyase nes cercaníes de Fuensanta nel conceyu asturianu de Nava.

L'orixe ye'l torruxón baxumedieval de planta cuadrada que sobresal n'altor al restu de les edificaciones que fueron amestando a lo llargo de los sieglos XVI y XVII.

L'edificiu tien delles fachaes. La occidental amuesa una irregularidá na distribución d'espacios típica del sieglu XVI: saeteres, ventanes y balcón con gran escudu. L'escudu amuesa les armes de los Álvarez de les Asturies: xaqueláu de quince pieces d'oru y veros. Bordura cargada con ocho lleones ordenaos (desconócense esmaltes). So'l tou corona ducal.

La puerta d'accesu ye de mediu puntu doveláu.

La fachada Este del palaciu dixebra en dos fasteres: una diáfana, con arqueríes nel pisu inferior, y una compauta, con tres ventanes.

En llinia cola fachada occidental alcuéntrase la capiella, de nave única y arcu de triunfu de mediu puntu, que separta la cabecera de la nave. La fastera de la cabecera ta cubierta con una bóveda.

El 11 de xunu de 1982 foi declaráu Monumentu Histórico Artísticu y en 1993 Bien d'Interés Cultural.

Capiella[editar | editar la fonte]

Amestada'l palaciu, alcuéntrase nel llateral izquierdu la capiella del mesmu de planta rectangular.

El conteníu d'esti artículu amiesta material de la declaración del Bien d'Interés Cultural publicáu nel BOPA Nº 15 el 20 de xineru de 1993 (testu), que s'alcuentra nel dominiu públicu arriendes a lo dimpuestu nel artículu 13 de la Llei de Propiedá Inteleutual española (en castellán).