Palaciu de los Xove Güergu

De Wikipedia
(Redirixío dende Palaciu de Revillagigedo)
Saltar a navegación Saltar a la gueta
Palaciu de los Xove Güergu
Bien d'Interés Cultural
Palacio de Jove Huergo y Capilla de la Trinidad.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuBandera gijon.svg Xixón
Coordenaes 43°32′39″N 5°39′49″W / 43.544211°N 5.663708°W / 43.544211; -5.663708Coordenaes: 43°32′39″N 5°39′49″W / 43.544211°N 5.663708°W / 43.544211; -5.663708
Palaciu de los Xove Güergu is located in Asturies
Palaciu de los Xove Güergu
Palaciu de los Xove Güergu
Palaciu de los Xove Güergu (Asturies)
Arquiteutura
Estilu arquiteutura barroca
Patrimoniu
BIC RI-51-0009045
Cambiar los datos en Wikidata

El complexu de la Trinidá, formáu pol Palaciu de los Xove Güergu y la so capiella correspondiente, allúgase nel conceyu de Xixón (Asturies, España), construyóse nel sieglu XVII.

El palaciu constitúyenlu dos edificios empares de planta rectangular dixebraos en tres plantes. En dambos cuerpos hai una simétrica distribución de furacos y los pisos sepártense por una llinia d'impuestes. Un escudu coles armes d'Hevia, Miranda y Llavandera, allugáu na exa central del edificiu ye l'únicu elementu decorativu de la faza. Afitada'l palaciu ta la capiella, de planta de nave única, dixebrada en dos tramos. La faza caltien una monumental portada barroca, encadarmada por un furacu allinteláu y recorríu per pillastres molduraes. So'l llintel, un panel acueye l'escudu de los Xove y corónase por un frontón semicircular con llunetu qu'alluma'l coru.

La faza remátase con una graciosa espadaña rematada por un frontón abanfáu. Tanto'l frente'l palaciu como la capiella son de bona cantería.

L'interior de la nave tapecese con combadura d'arista, y el presbiteriu, con cúpula so pechines decoraes coles figures de los cuatro evanxelistes. A dambos llaos del presbiteriu hai dos froniques de piedra remataes con frontón partíu.

La Capiella de la Trinidá restauróse en 1963, y en 1989 rehabilitóse tol conxuntu como Muséu de Pintura Juan Barjola.