Muséu de Pintura Juan Barjola

De Wikipedia
Saltar a navegación Saltar a la gueta
Muséu de Pintura Juan Barjola
Palacio de Jove Huergo y Capilla de la Trinidad.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBandera gijon.svg Xixón
Coordenaes 43°32′40″N 5°39′48″O / 43.5444°N 5.6633°O / 43.5444; -5.6633Coordenaes: 43°32′40″N 5°39′48″O / 43.5444°N 5.6633°O / 43.5444; -5.6633
Muséu de Pintura Juan Barjola is located in Asturies
Muséu de Pintura Juan Barjola
Muséu de Pintura Juan Barjola
Muséu de Pintura Juan Barjola (Asturies)
Historia y usu
Apertura1988
Orixe del nome Juan Barjola
Web oficial
Cambiar los datos en Wikidata

El muséu Juan Barjola ye un muséu allugáu na ciudá asturiana de Xixón.

El muséu inauguróse'l 16 d'avientu de 1988 tres la donación que fizo'l pintor, Juan Barjola, de 104 obres correspondientes a los años que van de magar 1950 a 1988. La rehabilitación de la so sé actual fízose en 1989 desegún el proyeutu de los arquitectos José Antonio Galea Fernández y Álvaro Llano.

Ta xestionáu pola conseyería de cultura del Principáu d'Asturies.

Edificiu[editar | editar la fonte]

Escudu heráldicu na fachada

El muséu tien la so sé nun garapiellu d'edificios asitiaos nel cascu antiguu de la ciudá de Xixón. Conócense como Conxuntu de la Trinidá, y compónese del palaciu de los Xove-Güergu y la capiella que tien a la vera. Como diz na inscripción fundacional que se conserva nun llateral de la capiella l'edificiu, que ye ún de los exemplos cimeros de l'arquiteutura barroca de la ciudá, esta acabó de construyise en 1676.

El palaciu ta formáu por dos edificios yuxtapuestos de planta rectangular y trés plantas d'altor. Los dos cuerpos tienen una distribución simétrica de los güecos de la so fachada, na que la separación de los pisos ta marcada por una llinia d'imposta. Nella nun hai adornu nengún más qu'un escudu coles armes d'Hevia, Miranda y Lavandera na exa central de la fachada, ente los dos cuerpos a l'altura de la tercer planta.

Capilla de la Trinidad.jpg

El palaciu tien, a la manzorga, una capiella adosada. Ye de planta de nave única, con dos tramos, y tien una fachada monumental na que llama l'atención la puerta, adintelada. Perriba d'ella ta l'escudu de los Xove, que ta coronáu por un frontón semicircular con lunetu que-y da lluz al coru de la ilesia. Remata l'edificiu una espadaña con frontón curváu. La nave de la ilesia cubre con bóveda d'arista, y el presbiteriu con cúpula sobre pechines decoraes coles figures de los cuatru evanxelistes. La capiella foi restaurada en 1963.

Esposición[editar | editar la fonte]

La esposición permanente ocupa trés de les cuatro plantes del edificiu, mentantu que la planta baxa ta reservada pa esposiciones temporales. El recorríu ha entamase, pa siguir un orde cronolóxicu, dende la tercer planta, áu s'asitien los sos primeros trabayos, pertenecientes a la década de los cincuenta. Continúase pola segunda planta con obres de la década de los setenta pa'afechar na primer planta con cuadros de la década de los ochenta.

Enllaces esternos[editar | editar la fonte]

(en castellán) Páxina web del Muséu Barjola