Palaciu de La Espriella

De Wikipedia
Saltar a navegación Saltar a la gueta
Palaciu de La Espriella
Bien d'Interés Cultural
Palacio de Espriella.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuFlag of llanes.svg Llanes
Coordenaes 43°26′40″N 4°54′09″O / 43.444561°N 4.902595°O / 43.444561; -4.902595Coordenaes: 43°26′40″N 4°54′09″O / 43.444561°N 4.902595°O / 43.444561; -4.902595
Palaciu de La Espriella is located in Asturies
Palaciu de La Espriella
Palaciu de La Espriella
Palaciu de La Espriella (Asturies)
Patrimoniu
BIC RI-51-0005075
Cambiar los datos en Wikidata

El palaciu de La Espriella ye un conxuntu palacial que s'alluga nel pueblu de Villaḥormes, na parroquia llanisca de Ḥontoria. Foi llevantáu, a primeros del sieglu XVII (a partir de 1616), por mandáu de Domingo Llanes Espriella, que ñaciera nesi pueblu y llegó a ser, naquella dómina, inquisidor del reinu de Sicilia. Sufrió, sicasí, reformes importantes nos dos sieglos siguientes.

El palaciu articúlase alredor d'un patiu central, y tien forma rectangular por culpa d'un añedíu na parte norte del conxuntu, que se completa con una capilla adosada al suroeste. Tien suétanu y dos plantes d'altor, y una fachada de piedra encalada na que destaquen la puerta principal, adintelada, y l'escudu familiar, que ta enriba d'ella. La planta baxa ye pa servicios, mentantu que la d'enriba ye la zona noble, amueblada con bonos muebles d'estilu manuelín. No que cinca a la capiella, ye de planta rectangular con nave única y brazos y cabecera recta cubierta con bóveda de crucería. Tamién cubren con esa bóveda brazos, mentantu qu'hai una bóveda d'estrella nel cruceru. Nel so frontal, franquiando la entrada, vemos una estructura con dos altures, con un arcu carpanel y, enriba d'él, un pisu qu'abre con tres balcones. Perriba de too ello hai una espadaña con dos güeyos.

El conxuntu ta catalogáu, dende 1985, como bien d'interés cultural.

Bibliografía[editar | editar la fonte]

  • Cobo Arias, Florencio, Cores Rambaud, Miguel, Zarracina Valcarce, Matilde, Guía básica de monumentos asturianos. Uviéu, Serviciu de publicaciones del Principáu d'Asturies, 1990.