Organización territorial d'Indonesia

De Wikipedia
Saltar a navegación Saltar a la gueta

La República d'Indonesia ta estremada en provincies (n'indonesiu: Provinsi). Les provincies consisten en rexencies (Kabupaten) y ciudaes (Kota). Cada provincia, rexencia y ciudá tien el so propiu gobiernu y cuerpu parlamental local.

Dende la declaración de la llei númberu 22, sancionada nel añu 1999, los gobiernos locales pueden alministrar llibremente les sos árees; sicasí, la política estranxera, la defensa (incluyendo a les fuercies armaes y a la policía nacional), el sistema xurídicu y la política monetaria entá los controla'l gobiernu nacional. Dende 2005, les autoridaes principales de los gobiernos locales (gobernadores, rexentes y alcaldes) escuéyense direutamente por aciu eleiciones populares.

Provincies[editar | editar la fonte]

Artículu principal: Provincies d'Indonesia

Conocíense enantes como "nivel unu". Hai tres tipos de provincia:

Provincia[editar | editar la fonte]

Ye una área xeográfica encabezada por un Gobernador.

Rexón semi autónoma[editar | editar la fonte]

El estatus de rexón semi-autónoma ye-y dau a aquelles rexones que se considera qu'apurrieron una contribución invalorable a la República d'Indonesia tantu antes como dempués de la declaración de la independencia en 1945.

Los dos rexones semiautónomas son: el territoriu especial de Aceh y el territoriu especial de Yogyakarta.

Rexones especiales[editar | editar la fonte]

Hai anguaño una Rexón especial, la de la capital, Xakarta.

Rexencies y ciudaes[editar | editar la fonte]

Artículu principal: Kabupaten

Conocíense enantes como "nivel dos". Na actualidá, son tantu Rexencies (Kabupaten) como ciudaes (Kota or Kotamadya)'.

Les diferencies ente rexencies y ciudaes esta nes diferencies demográfiques, de tamañu y económiques.

Les rexencies tán encabezaes por un rexente (Bupati) ente que les ciudaes tienen un alcalde (Walikota).

Sub-distritos[editar | editar la fonte]

Artículu principal: Kecamatan

Los sub-distritos (Kecamatan) conformen el tercer nivel de l'alministración y esisten dientro de les rexencies y de les ciudaes. Tán encabezaes por un Camat.

Pueblos[editar | editar la fonte]

El siguiente nivel esistente ye'l de pueblu (desa or kelurahan).

Desa[editar | editar la fonte]

N'indonesiu, Desa tien una connotación rural. Nel contestu de l'alministración gubernamental n'Indonesia la Desa puede ser definida como una estructura na qu'una autoridá local rixe acorde cola conocencia de les tradiciones locales.

Kelurahan[editar | editar la fonte]

Ta nel mesmu nivel de Desa, y suel tar en redolaes urbanos. Ta encabezada por un lurah.

Vecindaes[editar | editar la fonte]

Una vecindá ye una organización non gubernamental que ta formada pa satisfaer les necesidaes de la xente del pueblu o kelurahan. El líder de la vecindá ye escoyíu polos vecinos.

Rukun Warga[editar | editar la fonte]

Rukun Warga (RW) consiste n'unu o más Rukun Tetangga (RT). El númberu máximu de RT en RW varia d'un Kecamatan a otru.

Rukun Tetangga[editar | editar la fonte]

Rukun Tetangga (RT) consiste nuna agrupación de delles cases. El númberu máximu de cases nun RT varia d'un llugar a otru. Ye'l nivel más baxu na división del territoriu n'Indonesia.

Ver tamién[editar | editar la fonte]

Enllaces esternos[editar | editar la fonte]


Organización territorial de Indonesia