Onomatopeya

De Wikipedia
Saltar a: navegación, buscar

La onomatopeya[1] ye la imitación llingüística o representación d'un soníu natural o d'otru actu acústicu non discursivu. Según la Real Academia Española, ye la imitación o recreación del soníu de daqué nel vocablu que se forma pa significalo o vocablu qu'asonsaña o recrea'l soníu de la cosa o l'acción nomada. Exemplos típicos d'onomatopeyes son «boom», «clap», «pam», «toc», «bing»,«clic»,«pum» . Tamién pueden ser casos pa referise a fenómenos visuales como «zigzag».[2]

Esisten onomatopeyes en tolos idiomes anque xeneralmente difieren d'unu a otru, dacuando radicalmente, una y bones la mayoría de los soníos non pueden articulase fonéticamente.

El idioma xaponés ye posiblemente la llingua más rica n'onomatopeyes claramente, una y bones éstes atópense incorporaes na fala cotidiana y son utilizaes tantu pa describir soníos como figures o p'arriquecer acciones. Esisten asina, por casu, alredor de diecisiete onomatopeyes pa describir l'actu de caminar, dexando discernir ente pequenos pasos de ñácaru, un pasu aceleráu o un caminar abasnando los pies.

Na creación lliteraria, la onomatopeya busca reflexar daqué más que'l soníu; bien por aciu palabres como en “el chasquíu del llátigu", el “trebolgo d'un líquidu caliente", o'l “chisporretear de la lleña amburando", qu'amás del soníu paecen reflexar l'acción mesma.

Les onomatopeyes pueden ser visuales o auditives. Les visuales, utilizaes na poesía de vanguardies dende Apollinaire, pueden utilizar la metáfora gráfica o caligrama. Les auditives, sicasí, son les más usaes na poesía clásica.

Les onomatopeyes son comúnmente utilizaes en historietas como efectos de soníu.

Onomatopeyes n'animales[editar | editar la fonte]

Frecuentemente, les onomatopeyes son emplegaes pa describir el soníu emitíu por animales, variando ente distintos idiomes. Dellos exemplos son:

Animal Español Alemán Francés Inglés Xaponés [3] Polacu - Ave pio pio[4] piep cui chirp / cheep / peep / tweet ぴよ (piyo) pi
Gochu oink grunz oin oink ブーブー (buubuu) kwik röf
Cuervu croc kwrah croa caw 力ー力ー (kaakaa) kár
Gallu quiquiriquí[5] kikeriki cocu ricu cock-a-doodle-doo コケコッコー (kokekokkoo) kukuryku / kikiriki kukurikú
Gatu miau[6] miau miaou meow ニャー (nyaa) miau miáu
Grillu cricrí[7] chirp cr
Oveya/Cabra be[8] mäh baa メェー (mexe) mexe / bee bee
Coríu cuá' quak coin quack ガーガー (gaagaa) kwak háp
Perru guau[9] wau / wuff ouah arf / woof ワン (wan) hau vau
Xaronca croac quaak coa croak / ribbit ゲロ (gero) kum brekeke
Vaca muu[10] muh meuh moo モー (moo) muu

Vease tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]


Onomatopeya