Obeliscu de Lúxor

De Wikipedia
Saltar a: navegación, buscar
Obeliscu de Lúxor

L'obeliscu de Lúxor ye un obeliscu proveniente del templu de Luxor n'Exiptu y ta anguaño asitiáu nel centru de la plaza de la Concordia en París.[1]

L'exiptólogu Zahi Hawass empecipió en 2010 una campaña por que'l monumentu fuera retornáu a Exiptu, al pie de delles pieces, como la piedra de Rosetta, el zodiacu de Dendera y l'estatua de Ramsés II.[2]

Hestoria[editar | editar la fonte]

Foi llabráu nes canteres de Asuán y treslladáu en barca pol Nilo por más de 100 km ya instaláu nel templu por aciu l'usu de ramples de sable y cuerdes trenzadas utilizaes a contrapesu pola fuerza bruta humana de miles d'esclavos.

En París[editar | editar la fonte]

Pilonos d'entrada al templu de Luxor. Na zona más próxima se encotraba l'obeliscu treslladáu a París.

Mehemet Ali, valí d'Exiptu ye quien, socatráu por Jean-François Champollion, ufiertó a Francia a principios de 1830 los dos obeliscos alzaos delantre del templu de Luxor. La Revolución de 1830 enturbió la donación, pero Mehemet Ali confirmó'l so regalu en payares de 1830. Chapollion foi quien recibió l'encargu d'escoyer cuál de los dos obeliscos llegaría primero a Francia.

Un buque, especialmente fletáu pa esta misión, el Luxor, comandado por Raymond de Verninac Saint-Maur, salió de Toulon n'abril de 1831 y remontó el Nilo n'agostu. El barcu foi cargáu col monolitu n'avientu y baxó el Nilo n'agostu de 1832. De vuelta a Toulon en mayu de 1833, llegó a París n'agostu de 1834 dempués de remontar el Sena. Entós foi depositáu tendíu de primeres de la cai Cours Albert 1.er Luis Felipe I de Francia decidió alzalo nel centru de la plaza de la Concordia. La elección d'un monumentu ensin nenguna vinculación cola hestoria nacional taba destinada a torgar les querelles y les tentatives d'apropiación d'esti llugar de la Revolución francesa por una o otra facción.

Foi alzáu con una gran celebración, el 25 d'ochobre de 1836, pol inxenieru Apollinaire Lebas cola ayuda de máquines elevadoras y de xigantescos cabrestantes. Foi la primera gran salida pública de Luis Felipe I de Francia dempués del atentáu de Alibaud. Polo tanto se insaló discretamente, cola familia real, nes ventanes del Hotel de la Marina. Nel momentu precisu nel que l'obeliscu alzó sobre'l so pedestal, el rei y la so familia apaecieron nel balcón con una puesta n'escena perfectamente afecha y recibieron la ovación del ensame que s'atacaba p'asistir a la operación.

N'agradecimientu, Francia ufiertó un reló qu'afata güei día'l patiu de la mezquita de Muhammad Alí, na ciudá d'El Cairu pero, según dicen los cairotas, nunca funcionó. El segundu obeliscu, que enxamás salió d'Exiptu, foi oficialmente "devueltu" a Exiptu pol Presidente François Mitterrand, mientres la so primera septenato en 1981.

Característiques[editar | editar la fonte]

Ramsés II ofrente ante'l dios Amón-Ra.

Realizáu en granitu rosa de Asuán, l'obeliscu mide 23 metros d'altu y pesa 230 tonelaes.

Ente los motivos qu'afaten caúna de les cares, figura Ramsés II faciendo una ufrienda al dios Amón-Ra colos títulos y cartuchos del rei escritos en xeroglíficu.

El piramidión, asitiáu nel cume del obeliscu, foi cubiertu con llámines de bronce y oru, añedíes en mayu de 1998.

La base orixinal, con decoración de babuinos, ta espuesta nel muséu del Louvre.

Ver tamién[editar | editar la fonte]

  • Obeliscu
  • Plaza de la Concordia
  • Templu de Luxor

Notas[editar | editar la fonte]

  1. El obelisco de Luxor es el monumento más antiguo de París.
  2. http://actualidad.rt.com/cultura/view/22700-Egipto-exige-oficialmente-a-su-bella-Nefertiti Egipto exige oficialmente a su bella Nefertiti