Saltar al conteníu

Noelia Sánchez

De Wikipedia
Noelia Sánchez
Vida
Nacimientu Monforte de Lemos15 de febreru de 1982[1] (42 años)
Nacionalidá España
Estudios
Llingües falaes castellanu
Oficiu
Oficiu xugadora de voleibol
Trayeutoria
Posición o especialidá recepcionista-atacante (es) Traducir
Cambiar los datos en Wikidata

Noelia Sánchez Iglesias (15 de febreru de 1982Monforte de Lemos) ye una xugadora profesional de voleibol española. Actúa como cuatro atacante y tamién desempeña la posición d'opuesta.

Trayeutoria deportiva

[editar | editar la fonte]

Noelia Sánchez empezó a xugar a los 12 años nel equipu escolar de «A Gándara» (Monforte de Lemos). A los 13 años formó parte del equipu cadete del A.D A Pinguela para al añu siguiente ingresar na concentración permanente en Pontevedra onde taría mientres dos años y alzaríase col Campeonatu d'España Cadete.

Na so vuelta a Monforte de Lemos y a la temprana edá de 16 años yá formó parte del Agrupación Deportiva A Pinguela que naquelles feches militaba en Superliga (División d'Honor), nos entamos d'esta etapa alzó dos veces el Campeonatu d'España Xuvenil (1999 y 2000)siendo nomada en dambes ocasiones como meyor atacante.Esta primer etapa en Agrupación Deportiva A Pinguela pondría'l so fin n'en 2006 por qu'en la temporada 2006-2007 formara parte del equipu de Club Voleibol Alicante 2000 y Club Voleibol Haro.

Na temporada 2007-2008 ingresó nes files del Club Voleibol Diego Porcelos para al añu siguiente y hasta'l 2010 cumplir la so segunda etapa nel Agrupación Deportiva A Pinguela.Nel 2010 y col descensu del Agrupación Deportiva A Pinguela(Ribeira Sacra Monforte) ficharía pol Club Voleibol Torrelavega.

Nes temporaes 2011-2012 y 2012-2013 formó parte de la plantía del Club Voleibol Haro. Club col cual, na so primer temporada, proclamóse campeona de la Copa de la Reina 2012, celebrada en Salou(Tarragona) y subcampeona de la Superliga Femenina. Na temporada siguiente ganó la Supercopa, Copa de la Reina y la Superliga.

Na temporada 2013-2014 camuda de club y pasa al otru equipu rioxanu, Embalaje Blanco Tramek Murillo y empieza ganando la Supercopa frente a les sos antigües compañeres.

Actuó más de 100 vegaes como internacional pol combináu español, en torneos preeuropeos, premundiales, lligues europees, Spring Cup y Savaria Cup.

Palmarés

[editar | editar la fonte]
  • 1 Campeonatu d'España Cadete
  • 2 Campeonatos d'España Xuvenil
  • Subcampeonatu d'España Cadete y Xuvenil con Selección Gallega de Voleibol.
  • 1 Fase d'Ascensu a División d'Honor(1997-1998)cola concentración permanente (Meyor atacante)
  • 12 Copa Galicia.
  • 1 Ascensu a Superliga.
  • 4 Copes de la Reina de Voleibol, nomada (MVP).
  • 1 Subcampeonatu de Superliga (2011-2012).
  • 3 Campeonatos de Superliga (2012-2013), (2013-2014) y (2014-2015).
  • 3 Supercopes d'España (2012, 2013 y 2014).

Premios individuales

[editar | editar la fonte]
  • 1 Meyor xugadora de Galicia, dau pola Federación Gallega de Voleibol.
  • 2 Premios El Progresu
  • 2 Premios Zico, daos pola Televisión de Galicia
  • 1 MVP Copa de la Reina
  • Delles vegaes nel equipu ideal de Superliga y MVP de la xornada.

Referencies

[editar | editar la fonte]
  1. URL de la referencia: http://www.worldofvolley.com/wov-community/players/8380.html. Apaez como: Noelia Sanchez Iglesias.

Enllaces esternos

[editar | editar la fonte]