Natsionalna Telekompaniya Ukrainy

De Wikipedia
Saltar a navegación Saltar a la gueta

La Compañia Nacional de Televisión d'Ucraína (n'ucraín: Національна Телекомпанія України, Natsionalna Telekompaniya Ukrayiny) ye l'ente de radiodifusión estatal d'Ucraína. Opera la canal de televisión UT1, l'únicu con cobertoria nacional (alredor del 97% del territoriu ucranianu). La so programación ta empobinada a tolos sectores de la sociedá y minoríes étniques del país. La so principal prioridá son los informativos, con especial atención a la ciencia, la cultura, l'entretenimientu y los deportes. Ye la canal de mayor audiencia, penriba de toles canales privaes, de creación más recién.

En 2009, plantégase que la NTU camude'l so estatutu de televisión estatal a televisión pública, perdiendo'l gobiernu'l control sobre l'ente, y entama la puesta en marcha de diverses canales de televisión derivaos de la UT1.

Hestoria del Telecentru de Kiev[editar | editar la fonte]

La primer tresmisión de televisión n'Ucraína foi realizáu'l 1 de febreru de 1939, nun pequeñu estudiu en Kiev. Duró 40 minutos, consistiendo na exhibición d'una semeya de Sergó Ordzhonikidze.

Depués d'un parón provocau pola II Guerra Mundial, retómense les tresmisiones televisives nel país, empezando'l 6 de payares de 1951, cuando s'esibe la película patriótica 'The great glow'. A otru día, tresmítese una ceremonia solemne que conmemora'l 34° aniversariu de la Revolución d'Ochobre. El primer eventu musical televisáu n'Ucraína tuvo llugar el 1 de mayu de 1952, esti foi un conciertu, realizáu nos modestos estudios del Telecentru y cuntaba cola participación de destacaos solistes de la Ópera de Kiev. Tamién apaeció la primer presentadora de la cadena, Novela Separionova.

En 1953, terminose de construyir l'edificiu del Telecentru de Kiev, xusto dempués de la inauguración de los Telecentros de Moscú y San Petersburgu. La programación regular entama en 1956. Enantes d'esi añu, la parrilla namás consistía na emisión de películes y documentales dos vegaes al día. La programación del Telecentru yera en direutu, la única forma de tresmitilos, siendo los programes grabaos frecuentes a mediaos de 1960.

Enllces esternos[editar | editar la fonte]