Númberu Mach

De Uiquipedia
Saltar a: navegación, buscar
Un F/A-18 Hornet frañendo la barrera del soníu.

El Númberu Mach, conocíu nel usu coloquial como mach (pronúnciase "mag"), ye una midida de velocidá relativa que se define como'l cociente ente la velocidá d'un oxetu y la velocidá del soníu nel mediu nel que se mueve talu oxetu. Tala rellación pue espresase según la ecuación:

Ma= \frac {V} {V_s}

Ye una magnitú adimensional típicamente usada pa describir la velocidá de los aviones. Mach 1 equival a la velocidá del soníu, Mach 2 ye dos vegaes la velocidá del soníu..etc.

Esti númberu propúnxolu'l físicu y filósofu austríacu Ernst Mach (1838-1916), ún de los más grandes teóricos de la física de los sieglos XIX-XX, como una mena cenciella d'espresar la velocidá d'un oxetu con respeutu a la velocidá del soníu.

Normalmente, les velocidaes de vuelu clasifíquense según el so númberu Mach en:

  • Subsónicu M < 0,7
  • Transónicu 0,7 < M < 1,2
  • Supersónicu 1,2 < M < 5
  • Hipersónicu M > 5


Ver tamién[editar | editar la fonte]