Ríu Mississippi

De Wikipedia
(Redirixío dende Misisipi)
Saltar a navegación Saltar a la gueta
Wikipedia:Wikipedia:Llista d'artículos que toa Wikipedia tien que tener/Archivu
Ríu Mississippi
Mississippi River (en)
Efmo View from Fire Point.jpg
Situación
PaísBandera de Estaos Xuníos d'América Estaos Xuníos
Tipu ríu
Coordenaes 47°14′23″N 95°12′27″O / 47.2397°N 95.2075°O / 47.2397; -95.2075Coordenaes: 47°14′23″N 95°12′27″O / 47.2397°N 95.2075°O / 47.2397; -95.2075
Ríu Mississippi alcuéntrase en los EE.XX.
Ríu Mississippi
Ríu Mississippi
Ríu Mississippi (los EE.XX.)
Datos
Fusu horariu Hora estándar del centro (es) Traducir
Superficie de la cuenca 2 981 000 km²
Llonxitú 2340 mi[2]
Caudal 12 743 m³/s
Nacimientu Lago Itasca (es) Traducir
Desembocadura Golfu de Méxicu
Afluentes
Cambiar los datos en Wikidata

El Mississippi ye un ríu de los Estaos Xuníos. Forma, xunto'l so afluente, el ríu Missouri, el sistema fluvial más grande de Norteamérica.

El ríu Mississippi naz nel llagu d'Itasca, al norte del estáu de Minnesota, y va lentamente hacia'l mar, formando amplios meandros en direición norte-sur. Tres percorrer 3.730 km de la zona central de los Estaos Xuníos desemboca, formando un gran delta, nel golfu de Méxicu. Xunto col so afluente, el Missouri (4.130 km de llargor) forma una gran conca que drena total o parcialmente les agües de 31 estaos comprendíos ente les Montes Rocosos al oeste y los montes Apalaches al este, incluyíes la mayor parte de les Grandes Llanaes, y ye'l cuartu ríu más llargu del mundu.

Otros datos d'interés[editar | editar la fonte]

La so fonte ye'l llagu d'Itasca, nel Parque d'Itasca na parte del norte de Minnesota. A elli se xune'l ríu Missouri en Saint Louis (Missouri) y el ríu Ohio en Cairo (Illinois). El ríu Mississippi drena l'agua de la mayor parte del área ente les Montes Rocosos y los Montes Apalaches, sacante l'área drenada polos Grandes Llagos.

El Mississippi pasa per diez estaos d'Estaos Xuníos: Minnesota, Wisconsin, Iowa, Illinois, Missouri, Kentucky, Arkansas, Tennessee, Mississippi y Luisiana. Desemboca nun gran delta nel Golfu de Méxicu aprosimadamente 160 km ríu abaxo de la ciudá de Nueva Orleans.

La boca del ríu foi camudando col tiempu. Desque se construyó una canal a entamos del sieglu XIX, el ríu foi guetando la boca del ríu Atchafalaya, aprosimadamente a 95 kilómetros de Nueva Orleans. El Cuerpu d'Inxenieros del Exércitu d'EE.XX. caltién una estensa cadarma d'escluses pa caltener el ríu nel so cursu presente.

Otros camudamientos nel cursu del ríu ocurrieron debío a terremotos a lo llargo de la zona de la falla de New Madrid, que s'alcuentra ente les ciudaes de Menfis y Saint Louis (Missouri). Trés terremotos en 1811 y 1812, estimaos n'aprosimadamente de gráu 8 na escala Richter, invirtieren temporalmente'l cursu del Mississippi. Estos terremotos tamién crearon el llagu Reelfoot en Tennessee, camudando'l paisax a la vera'l ríu.

Enantes de que s'implantare'l ferrocarril en Norteamérica, el ríu Mississippi foi una de les principales víes de comunicación y tresporte. El so ampliu calce permitía la navegabilidá treslladando mercancíes y persones.

El ríu Mississippi ye l'escenariu nel que ta ambientada la novela de Mark Twain "Les aventures de Huckleberry Finn".

Referencies[editar | editar la fonte]

Enllaces esternos[editar | editar la fonte]