Miou
 Miou | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  A Veiga |
| Parroquia | A Veiga |
| Partíu xudicial | Castropol |
| Tipu d'entidá | llugar |
| Códigu postal |
33779 |
| Xeografía | |
| Coordenaes | 43°27′58″N 7°03′32″W / 43.466°N 7.0589°O |
  Miou Miou (Asturies) | |
| Altitú | 70 m |
| Demografía | |
| Población | 106 hab. (2017) |
| Porcentaxe | 3.63% de A Veiga |
| Viviendes | 83 (2001) |
| Más información | |
| Estaya horaria | UTC+01:00 |
 | |
Miou[1] ye un llugar[2] de la parroquia d'A Veiga, nel conceyu asturianu del mesmu nome.
Asitiada nuna campa a 70 metros d'altitú[3], les cases del pueblu alcuentrense concentraes formando les vinientes cais: cai d'A Veiga y Louteiro, cai da Cruz, calle d'abaxo, cai d'A Costa y cai da Cancela.
Nel pueblu hai un total de 106 hab. (2017)[4] distribuíos en 55 viviendes unifamiliares. Cunta con una escuela pública que tuvo abierta fasta'l cursu 2004/2005.
La so economía básase principalmente nel sector secundariu y de servicios.
Tien un clima sele y agradable, llentu y moderáu pola proximidá de la mar.
El regatu del Louteiro, afluente del ríu Eo, separta a la población del mesmu nome de Miou.
El Camín de Santiagu al so pasu per Miou
[editar | editar la fonte]
Miou ye ún de los pueblos que'l pelegrín a Santiagu ha cruciar si quier siguir el Camín de tierra adientro, qu'entamaba en Barres (Castropol) y funcionaba con total seguridá, yá que yera'l Camín Real que trescurría per Ferradal, Piñera, Silvayana, San Román del Monte y pasada A Veiga aportaba a Miou y a la so capiella de Santa Leocadia. El camín continúa y aporta a Louteiro, pueblu a 1 quilómetru de Miou, onde foi fundáu'l santuariu de La Nuesa Señora de los Remedios y la capiella limosneru de Las Ánimas.
Nel pasáu los pelegrinos podíen tomar descansu nel Mesón de la Sela de Murias, asitiáu sobre una llomba, que yera pergrandes proporciones, pero anguaño namás que queden vestixos.
Siguiendo esti itinerariu aportase a A Ponte Veya (La Ponte Vieya), accesu a Galicia y demientres sieglos única ponte esistente na zona baxa del Eo.
Por Miou pasaba tamién el Camín de los Arrieros, importante vía de comunicación y intercambiu a lo llargo de tola Edá Moderna.
Sienda de la Ría del Eo
[editar | editar la fonte].JPG)
L'itinerariu que sigue la ruta trescurre dende la villa d'A Veiga hasta la llocalidá de Miou, y d'ehí a Louteiro. El regresu a A Veiga faise pela marxen drecha del ríu. Asina hasta percorrer una distancia de 4,5 quilómetros.
- El primer tramu de la sienda aprovecha les carreteres esistentes y ye mixtu, autu tantu pa peatones como pa vehículos, anque nesta vía la circulación ye perpoca.
- El segundu tramo ye un camín de tierra qu'escomienza en Louteiro, baxa fasta'l borde de la ría, al enclave onde se tien habilitada una faza de baños. Nesti puntu recuperose un antiguu embarcaderu.
Darréu, la sienda trescurre per un humedal, que s'irgue en metanes del paisaxe fluvial y que se salvó cola construcción d'un pantalán de madera, pa torgar que'l transu de persones afeute al ecosistema natural de la ría.
La sienda atraviesa'l regatu del Louteiro y regresa a continuación a Miou.
Referencies
[editar | editar la fonte]- ↑ «Espediente colos topónimos oficiales d'A Veiga». BOPA.
- ↑ «SADEI: Noménclator d'entidaes del Principáu d'Asturies» (en castellanu).
- ↑ (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
- ↑ padrón municipal d'España de 2017
Enllaces esternos
[editar | editar la fonte]| Control d'autoridaes |
|
|---|
Datos: Q1739042