Miguel Solís Santos

De Wikipedia
Saltar a navegación Saltar a la gueta
Miguel Solís Santos
Vida
Nacimientu

Avilés1956

(62/63 años)
Nacionalidá Bandera d'España España
Estudios
Llingües asturianu
castellanu
Oficiu
Oficiu escritor y dibuxante
Premios
Miembru de Academia de la Llingua Asturiana
Cambiar los datos en Wikidata

Miguel Solís Santos (1956Avilés) ye un escritor y dibuxante asturianu, miembru correspondiente de l'Academia de la Llingua Asturiana.

Biografía[editar | editar la fonte]

Llicenciáu en Bioloxía pola Universidá d'Uviéu. Vinculáu a Conceyu Bable dende los sos oríxenes, dase a conocer nos diversos concursos de cuentos curtios qu'entama esta asociación, algamando abondos premios. Empieza tamién a publicar dibuxos y illustraciones, nun estilu que bien llueu lu va facer inconfundible. En 1981 nómenlu miembru correspondiente de la primer xuntanza de l'Academia de la Llingua. Esi mesmu añu algama'l Premiu de Narraciones curties de la Diputación d'Asturies col relatu: Astor o un ensayu pa una nuea mitoloxía.

En 1982, publica Miguel Solís Santos Les llamuergues doraes, que ye la primer novela contemporania en llingua asturiana. L'añu anterior asoleyara yá les narraciones L'oxetu de la caridá y Astor o un ensayu pa una nuea mitoloxía. En 1984 algama'l Premiu Xosefa Xovellanos de novela cola obra El trunfu prietu (1985). Per esi entós ponse a publicar cola Academia de la Llingua una serie de relatos infantiles, illustraos tamién por él, que tienen por exe central el mesmu protagonista: Ñuberu. Va publicar cuatro llibros d'esta serie: L'arcu iris y Ñuberu (1982), Les cuatru estaciones y Ñuberu (1983), Los árboles, l'ocalitu y Ñuberu (1985) y Ñuberu y la paz (1987).

Ye autor tamién d'una historia d'Avilés en cómic y ilustrador de munchos llibros ayenos.

Referencies[editar | editar la fonte]

Enllaces esternos[editar | editar la fonte]