Metátesis

De Wikipedia
Saltar a navegación Saltar a la gueta

Denomínase metátesis (del griegu μετάθεσις, treslliteráu puramente como metáthesis, "transposición") al fenómenu que consiste nel cambéu de llugar de los soníos dientro de la pallabra, atraíos o repelidos unos por otros.[1] Pueden ser dos los soníos qu'intercambien el so llugar, y entós suelse falar de metátesis recíproca (animalia > alimaña), o bien pue ser solu unu'l soníu que camuda de puestu dientru la pallabra, llamándose entós el fenómenu metátesis senciella o simple (integrare > entregar). Los soníos que metaticen pueden tar allegantes, falándose entós de metátesis en contautu como en vidua > viuda; o bien, pueden tar separaos, aniciando una metátesis a distancia como nos exemplos aducíos na metátesis recíproca. Esisten otros tipos de metátesis, como la sustitución d'un fonema por otru, por casu agüela por güela. Nun tien de confundise cola haploloxía (la supresión d'una sílaba asemeyada a otra cercana dientro de la mesma pallabra).

Referencies[editar | editar la fonte]

Enllaces esternos[editar | editar la fonte]