Dinastía merovinxa

De Wikipedia
(Redirixío dende Merovinxa)
Saltar a navegación Saltar a la gueta

La dinastía merovinxa foi una familia de fonduxe xermánicu que gobernó l'actual Francia, Bélxica, una parte d'Alemaña y de Suiza ente los sieglos V y VIII. Yeren descendientes de Meroveo, un xefe militar francu. Este yera'l fundador de la dinastía y tamién-y dio'l so nome.[1] El primera representante históricu de la dinastía merovinxa, Childerico I, fíu de Meroveo, apoderó l'antigua provincia romana de Bélxica Segunda qu'entendía los territorios de Ciuitas Remorum, Ciuitas Suessionum, Ciuitas Veromanduorum, Ciuitas Atrebatium, Ciuitas Silvanectum, Ciuitas Bellovacorum, Ciuitas Ambianensium, tamién conocida como Ambianorum, Ciuitas Morinorum, Ciuitas Camaracensium, antigua C. Nerviorum, Ciuitas Catalaunorum y Ciuitas Bononensium.

Introducción[editar | editar la fonte]

Los Reinos Francos nel 511.

Foi Clodoveo I (481-511) nietu de Meroveo, quien poles sos campañes militares engrandó verdaderamente el reinu de los francos (Regnum Francorum) al este n'Alemaña y al sur-oeste en Aquitania, apoderada hasta entós polos visigodos. Esta espansión foi posible dempués de la so conversión y bautismu escontra'l 496 y gracies al sofitu de l'aristocracia galorromana y l'Ilesia occidental. Instaló la capital en París en 507.

A la so muerte'l reinu francu foi estremáu ente los sos fíos según el costume de los merovinxos: Clotario I, rei de Soissons (511-561), de Reims (555-561) y de los francos (558-561), Childeberto I, rei de París (511-558), Clodomiro, rei d'Orleans (511-524) y Teodorico I, rei de Reims (511-534).

Otru monarca destacáu de la dinastía foi Dagoberto I (629-639) que, dempués de munchos años de división territorial, volvió xunir los reinos francos sol so gobiernu. Dempués de Dagoberto I, el poder de los merovinxos foise disgregando y, a midida que pasaba'l tiempu, los Mayordomos de palaciu acabaron siendo los verdaderos dirixentes del reinu francu. Los mayordomos de palaciu Carlos Martel y el so fíu Pipino el Curtiu, fundador de la dinastía Carolinxa, acabaron col poder de los monarques merovinxos y Pipino destronó al últimu rei merovinxu, Childerico III, pa proclamase rei de los francos. La dinastía merovinxa foi sustituyida entós pola dinastía Carolinxa.

Reyes merovinxos[editar | editar la fonte]

Ver tamién: Reyes merovinxos

Arte merovinxo[editar | editar la fonte]

Artículu principal: Arquiteutura merovinxa

Foi desenvolviendo un arte propio na actual Francia, un arte prerrománico que se caracterizó pol usu de la piedra y el lladriyu (n'arquiteutura) con construcciones sencielles. L'arte carauterístico d'esti periodu ye la orfebrería. Tamién desenvolvieron la pintura mural sobre frescos y les miniatures. Caltiénense bien poques muertes y amueses d'arte merovinxo.

Lliteratura popular[editar | editar la fonte]

En delles noveles y ensayos de esoterismu postulóse que los merovinxos son descendientes d'una supuesta relación ente Xesús de Nazaret y María Madalena, quien tendríen una fía, Sara o Sara la Negra, que migró dende Xudea al sur de Francia, dende onde se desenvolvería un llinaxe que la so fonduxe llegó al poder del reinu francu colos merovinxos.

Ente estes obres destaquen el best seller esotéricu L'enigma sagráu, escritu por Michael Baigent, Richard Leigh y Henry Lincoln, sobremanera, pola novela esotérica de Dan Brown, El códigu Da Vinci. Tamién l'eminente medievalista Umberto Eco menta esta teoría col fin de facer# risión, por pseudo-científica, na so novela El pendilexu de Foucault.

Per otra parte, a nivel d'estudios xenéticos nel añu 2006, el programa televisivu Buscando la verdá (Digging for the Truth) de la canal The History Channel realizó un analís xenéticu de Aragunde (Arnegonda), quinta esposa del rei de llinaxe merovinxu Clotario I. La resultancia del analís concluyó que l'ADN de Aragunde «nun tenía los marcadores que podríen esperase de la población de Mediu Oriente; sicasí, el so ADN amosaba que provenía d'Europa».[2]

Ver tamién[editar | editar la fonte]

Referencies[editar | editar la fonte]

  1. Asimov, Isaac (1968). «3. Llega la escuridá», L'Alta Edá Media (en Español). Alianza, 75.
  2. http://diggingforthetruth.net/season2episode10.html.

Enllaces esternos[editar | editar la fonte]





Dinastía merovingia