Meritra Hatshepsut

De Wikipedia
Saltar a navegación Saltar a la gueta
Meritra Hatshepsut
Merytre-Medinet-Habu.jpg
Esposa del dios

Vida
Nacimientu sieglu  XVe. C.
Nacionalidá Antiguu Exiptu
Fallecimientu 1425 e. C.
Familia
Casáu/ada con Tutmosis III
Fíos/es
Pueblu Dinastía XVIII de Egipto Traducir
Oficiu
Oficiu política
Cambiar los datos en Wikidata

Meritra Hatshepsut, reina exipcia de la XVIII Dinastía, de tiempos del llargu reináu de Thutmose III.

La so filiación siempres foi una incógnita. Por cuenta de que na mayoría de los monumentos nos qu'apaez ye llamada Meritra Hatshepsut (n'otros a cencielles ye la Gran Esposa Real Meritra), pensóse que yera la segunda fía de la reina Hatshepsut y de Thutmose II, magar que nun apaez nenguna vegada al pie de ella'l títulu de Fía Real. Ian Shaw escribe que l'únicu renuevu conocíu de Hatshepsut foi Neferura.[1]

Meritra Hatshepsut
en xeroglíficu
<
ramriitF4
t
A51
>
{{{3}}}


Otra posibilidá, quiciabes la qu'anguaño tien más adeptos, ye que la madre de la reina Meritra Hatshepsut yera una poderosa muyer de la corte d'entós, de nome Huy, y qu'ostentaba los títulos de "Favorita del Faraón", "Superiora del harén nos templos d'Amón y de Ra", "Divina Adoratriz de Amón y d'Atum" y, sobremanera, "Madre de la Gran Esposa Real". Por ello, ye probable qu'esta muyer portara'l nome de Hatshepsut namái pa falagar a la reina mientres vivía, y cuando Thutmose III empezó la persecución de la so memoria arrenunció a dichu nome.

Meritra Hatshepsut yera la segunda gran esposa real del faraón (primero que con ella casóse con Sitah, y quiciabes tamién cola hja de Hatshepsut, Neferura), y tuvo la suerte de dar a lluz al so socesor, el futuru Amenhotep II, amás d'otros príncipes más ente los que destacamos a Meritamón. Paez ser que Thutmose III retirólu, como al restu de les sos muyeres, tol so pesu relixosu y políticu, ya inclusive-y negó'l títulu de "Esposa del dios".

Sería namái a la muerte del so home, cuando'l so fíu algamó'l tronu, reconocióse'l papel de la reina. Amenhotep II regaló-y los pervalibles títulos de "Esposa del dios", "Mano del dios" y "Madre del Rei", amás d'esculpir numberoses esfinxes cola so efixe (ye la segunda muyer, tres Hatshepsut, que tuvo esi honor). La gran esposa real Meritra Hatshepsut paez ser que foi soterrada col so amáu fíu, y la so momia ye una de les qu'entá tán por identificar.

Referencies[editar | editar la fonte]

Notes
  1. Shaw Hestoria del AE (2007) p. 314
Bibliografía [[Ian

Shaw]] (2007) Hestoria del Antiguu Exiptu, La Esfera de los Llibros, S.L., ISBN 978-84-9734-623-8

Enllaces esternos[editar | editar la fonte]

Meritra Hatshepsut