Mark McGwire

De Wikipedia
Mark McGwire
Vida
Nacimientu Pomona1 d'ochobre de 1963[1] (60 años)
Nacionalidá Bandera de Estaos Xuníos d'América Estaos Xuníos
Familia
Hermanos/es Dan McGwire
Estudios
Estudios Universidá del Sur de California
Damien High School (en) Traducir
Oficiu
Oficiu xugador de béisbol
Trayeutoria
  Equipu
Oakland Athletics (es) Traducir
Huntsville Stars (en) Traducir
Los Angeles Dodgers (es) Traducir
Saint Louis Cardinals (es) Traducir
Padres de San Diego (es) Traducir
Posición o especialidá Primera base (es) Traducir
Premios
Cambiar los datos en Wikidata

Mark David McGwire (1 d'ochobre de 1963Pomona) foi un xugador de béisbol estauxunidense, qu'en 1998, protagonizó unu de los récores más celebraos na hestoria de les Grandes Lligues d'esti deporte al consiguir nuna mesma temporada 70 home runs.

Nacíu en Pomona (California, Estaos Xuníos), llogró'l so primer ésitu nos Xuegos Olímpicos celebraos en Los Angeles en 1984 (nos que consiguió la medaya de plata cola seleición del so país). Xugó nes Lligues Menores hasta 1987, cuando foi escoyíu nel draft de les Grandes Lligues polos Oakland Athletics, onde sería compañeru de José Canseco. Esi mesmu añu foi escoyíu Novatu del Añu, gracies en bona parte a los 49 home runs que consiguió mientres la temporada.

En 1989 ganó'l títulu de les World Series con Oakland y un añu más tarde convirtióse nel primer xugador que llograba más de 30 home runs en caúna de los sos cuatro primeres campañes como profesional. En 1993 y en 1994 les mancadures amenorgaron enforma'l so rendimientu pero, magar ello, en 1996 superó la cifra de 300 home runs. Hasta esi momentu, cuando llevaba 10 años como profesional, apostara ocho partíos de les estrelles y consiguíu 50 home runs en 390 veces al bate, ameyorando una llexendaria marca de Babe Ruth.

En 1997 foi adquiríu polos St. Louis Cardinals y en 1998 llogró la fazaña más notable de la so carrera: bateó el récor de home runs consiguíos nuna sola temporada al anotar 70, tres una dura competencia col dominicanu Sammy Sosa. L'anterior récor taba en poder de Roger Maris (con 61) y databa de 1961.

Sicasí, dempués de llograr el récor, reconoció consumir esteroides anabolizantes, sustancia prohibida pol Comité Olímpicu Internacional (COI), pero que nun se controlaba na dómina poles Grandes Lligues de Béisbol. Rematada la temporada de 2001 (na que'l so récor de home runs nun añu foi superáu por Barry Bonds) decidió poner fin a la so carrera.

El señor McGwire conectó 583 jonrones en solu 6187 veces, gracies a lo cual tien una frecuencia jonronera de 10,61 veces por cada jonrón, lo que lo alluga como'l meyor de la hestoria nesi aspeutu. Ye tan alta esa frecuencia, que si McGwire escosara les veces de Barry Bonds (9847 veces), la proyeición sería de coneutar...¡¡¡928 jonrones!!!

Nel añu 2010, xustu enantes d'empezar el so cargu como hitting coach de los Cardinals, McGwire confesó consumir esteroides mientres los años 90, como una solución a los continuos problemes de salú que lo aquexaron mientres esa dómina. Sicasí, más allá de confesar créese que ye una midida pa influyir na so posterior nominación al salón de la fama.

Como interés, cabo mentar que McGwire apaez na serie de dibuxos animaos The Simpsons, en concretu nel capítulu tituláu Brother's Little Helper de la oncena temporada. Tamién apaez de volao nel episodiu Up the Down Steroid de la serie South Park onde se satiriza la so confeso usu de esteroides.

Ver tamién[editar | editar la fonte]

Referencies[editar | editar la fonte]

  1. Afirmao en: SNAC. Identificador SNAC Ark: w6dj6n97. Apaez como: Mark McGwire. Data de consulta: 9 ochobre 2017. Llingua de la obra o nome: inglés.
  2. URL de la referencia: https://www.loc.gov/about/awards-and-honors/living-legends/mark-mcgwire/.

Enllaces esternos[editar | editar la fonte]