Delie formar nel Olympique Viarmes Asnières (1995-2000), el Domont FC (2000-2005) y el CNFE Clairefontaine (2005-2007), y foi internacional en categoríes inferiores. En destacando na Eurocupa sub-19 de 2007, na que foi una del trés máximes goliadores del tornéu al pie d'Ellen White y Fanndís Fridriksdóttir, recibió ufiertes del Montpellier HSC y el Paris Saint-Germain pa debutar en Primer División, decantándose poles parisines.
Con 16 goles en 22 partíos Delie foi la máxima goliadora del PSG y una de les revelaciones de la temporada nel so debú na élite. Al términu del cursu fichó pol Montpellier. Nel so primer añu ellí Delie marcó goles 14 goles y ganó'l so primer títulu, la Copa de Francia. Na 2009-10 debutó cola selección francesa absoluta na fase de clasificación pal Mundial 2011 y foi la segunda máxima goliadora de la lliga con 18 tantos en 20 partíos, a un gol d'Eugenie Le Sommer. Tamién marcó 6 goles na Copa y 4 nel so debú na Lliga de Campeones, trés na fase previo y uno nos dieciseisavos de final contra'l Standard de Liège.
Na temporada 2010-11 Delie foi la cuarta goliadora de la lliga con 14 tantos. En víspores del Mundial 2011 foi la máxima anotadora de la Copa de Xipre con dos talos hat-tricks contra Nueva Zelanda y Escocia. Nel Mundial, nel que Francia cayó en cuartos de final, Delie dio-y la victoria a Francia nel so debú contra Nixeria y marcó otru gol na derrota por 2-4 contra Alemaña.
↑Afirmao en: Soccerdonna. Identificador de jugadora de Soccerdonna: 4255. Apaez como: Marie-Laure Delie. Data de consulta: 9 ochobre 2017. Llingua de la obra o nome: alemán.
Francia
Francia
Datos: Q459315
Multimedia: Marie-Laure Delie