Mariano Arregui Canela

De Wikipedia
Saltar a navegación Saltar a la gueta
Mariano Arregui CanelaPicto infobox music.png
Vida
Nacimientu Ricla3  de setiembre de 1937
Nacionalidá Bandera d'España España
Fallecimientu

Tarragona18  d'agostu de 2010

(72 años)
Estudios
Llingües castellanu
Oficiu
Oficiu cantante
Instrumentu musical voz
Cambiar los datos en Wikidata

Mariano Arregui Canela (3 de setiembre de 1937Ricla, España-18 d'agostu de 2010Tarragona, España)[1] foi un cantante de jota aragonesa.

Biografía[editar | editar la fonte]

A la temprana edá de siete años llogró'l primer premiu de "jota" n'Almunia de Doña Godina. Por esti motivu, más tarde, treslladose a Zaragoza pa recibir les enseñances de Pascuala Perié y en 1948 ganó'l primer premiu por parte de Radio Zaragoza.[2]

Tres el pasu de los años, Mariano Arregui, tuvo alloñáu de los escenarios hasta 1960, que venció'l concursu establecíu pola Agrupación Artística Aragonesa en conmemoración a la célebre Pilar Gascona. Tamién se presentó al certame de "jota" del Conceyu de Zaragoza nos años 1964 y 1965 llogrando'l segundu y primer premiu, respeutivamente, y en 1969 proclamóse campeón d'Aragón de "jota" nel Teatru Principal de Zaragoza.

Col cambéu de la so voz tuvo dellos años ensin muncha actividá, pero al volver en 1960 algamó'l primer premiu del concursu qu'entama l'Agrupación Artística Aragonesa en memoria de Pilar Gascona. Cuatro años dempués, en 1964, llogró'l segundu premiu del certame de "jota" del Conceyu de Zaragoza y al añu siguiente'l primer premiu. En 1969 proclamóse campeón d'Aragón de "jota" nel eventu entamáu nel Teatru Principal de Zaragoza. En 1975 ganó'l concursu nacional de "jota" entamáu nel conceyu de Épila, amás del campeonatu d'Aragón por segunda y tercer vegada en 1976 nel Teatru Principal. Tamién, en 1977, amás de volver ganar en Épila, la Diputación Provincial de Zaragoza concedió-y el prestixosu Premiu Santa Isabel y en 1979 llevóse'l cuartu campeonatu d'Aragón. Finalmente, en 1980 quedó segundu nel concursu n'homenaxe a Demetrio Galán Bergua y ganó tamién aquel mesmu añu'l cuartu concursu de mises aragoneses patrocináu pol Cabildru del Pilar de Zaragoza y la Diputación Xeneral d'Aragón. N'ochobre de 1984 ganó'l quintu campeonatu d'Aragón de "jota" convirtiéndose d'esta mena nel cantante que más vegaes llogró esti premiu.[3]

En 1981 realizóse un homenaxe a la so persona nel so pueblu natal col nomamientu d'una plaza que lleva'l so nome y apellíos.

Mariano Arregui Canela morrio'l día 18 d'agostu de 2010 nel Hospital Joan XXIII de Tarragona por mor d'un derrame celebral que-y hubiera dao dos díes enantes, mientres braniaba cola so familia en Salou.

Referencies[editar | editar la fonte]

  1.   elperiodicodearagon.com (ed.): «Fallece el jotero aragonés Mariano Arregui a los 73 años».
  2. «Paseo hasta el monumento a Don Mariano Arregui Canela». Javprom (15 de xineru de 2017). Consultáu'l 12 de febrero de 2017.
  3. «Mariano Arregui Canela. Cantador de jotas». Consultáu'l 12 de febrero de 2017.

Enllaces esternos[editar | editar la fonte]