María del Carmen Maroto Vela

María del Carmen Maroto Vela
profesora	;
profesora
Vida
Nacimientu	Granada, 22 de xunetu de 1938 (85 años)
Nacionalidá	España
Familia
Casada con	Gonzalo Piédrola Angulo
Estudios
Estudios	Universidá de Granada
Nivel d'estudios	doctor
Llingües falaes	castellanu
Oficiu	médica, microbióloga, parasitóloga, profesora universitaria
Emplegadores	Universidá de Granada ; Universidá de Madrid
Miembru de	Real Academia Nacional de Medicina

María del Carmen Maroto Vela (22 de xunetu de 1938, Granada) ye una médica española, especializada nel campu de la microbioloxía. Ye conocida poles sos investigaciones en microbioloxía y parasitoloxía, cuantimás sobre virus de tresmisión hemática.

Recibió la medaya de plata de la Universidá de Granada nel añu 2000 y foi nomada muyer d'Europa tamién nel añu 2000.

Biografía[editar | editar la fonte]

Nació en Madrid nel añu 1938. Estudió los sos primeros años nun colexu de monxes.^[2] Llicencióse en medicina y ciruxía pola Universidá Complutense onde se doctoró darréu.^[3] Nesti periodu d'estudios conoció al que ye'l so home, Gonzalo Piédrola Angulo, catedráticu de microbioloxía, col que tien trés fíos.^[2] Más palantre, foi profesora collaboradora d'esta mesma universidá.

Hai más de trenta años que mora en Granada cola so familia onde, en 1973, foi nomada profesora axunta de microbioloxía y parasitoloxía na Universidá de Granada, de que la so facultá de medicina foi vicedecana y xefa d'estudios. Ente 1980 y 1983 foi profesora amestada numeraria d'esta mesma universidá onde, en 1983, realizó la cátedra na so especialidá. Dirixe los proyeutos d'investigación del comité d'ensayos clínicos del hospital de Granada y ye tamién direutora de beques del FISS y de la xunta d'Andalucía.^[4]

Investigó sobre hepatitis A y B, interacciones virales, replicación y tresmisión del virus de la hepatitis B y C, cuantificación de la carga viral, aplicación de les téuniques de bioloxía molecular en distintos virus y estudios de resistencia a antirretrovirus por aciu métodos de secuenciación. Na actualidá trabaya en proyeutos d'investigación sobre co-infeición, S.I.D.A., hepatitis C y sobre la respuesta inmune ya inmunoloxía y bioteunoloxía de los virus de tresmisión hemática.

Miembru de númberu de la Real Academia Nacional de Medicina,^[5] foi nomada presidenta en 2004 de la d'Andalucía Oriental, siendo la primer muyer n'ostentar esti cargu nos 267 años d'historia de l'Academia.^[6] Ye tamién xuráu nel Premiu Príncipe d'Asturies d'Investigación Científica y Téunica.

Obres[editar | editar la fonte]

María del Carmen Maroto Vela, Gonzalo Piédrola Angulo (1999). El bien y el mal nel home y nos microorganismos editorial = Real Academia Nacional de Medicina.

Premios y reconocencies[editar | editar la fonte]

Foi escoyida médicu del añu en 1998.
Foi nomada Muyer d'Europa nel añu 2000.
Llogró la medaya de plata dada pola Universidá de Granada nel añu 2000.

Referencies[editar | editar la fonte]

↑ URL de la referencia: https://www.ranm.es/academicos/99.
↑ ^2,0 ^2,1 «Maroto Vela, primer muyer presidenta d'una academia de medicina tres 267 años.».
↑ «Mª Carmen Maroto Vela.».
↑ «Excma. Sra. D.ª María del Carmen Maroto Vela.».
↑ Académicos de númberu Excma. Sra. D.ª María del Carmen Maroto Vela
↑ Maroto Vela, primer muyer presidenta d'una academia de medicina tres 267 años

Enllaces esternos[editar | editar la fonte]

Entrevista a María del Carmen Maroto Vela. Fundación Afaya

[d6f4b2621179b353be9358106d1b8b1f9f118b6f-1] URL de la referencia: https://www.ranm.es/academicos/99.

[Maroto_Vela_1-2] 2,0 ^2,1 «Maroto Vela, primer muyer presidenta d'una academia de medicina tres 267 años.».

[3] «Mª Carmen Maroto Vela.».

[4] «Excma. Sra. D.ª María del Carmen Maroto Vela.».

[5] Académicos de númberu Excma. Sra. D.ª María del Carmen Maroto Vela

[6] Maroto Vela, primer muyer presidenta d'una academia de medicina tres 267 años

[1]

[2]

[3]

[4]

[5]

[6]