Manuel José Carazo Bonilla

De Wikipedia
Saltar a navegación Saltar a la gueta
Manuel José Carazo BonillaPicto infobox character.png
Vida
Nacimientu 1808
Nacionalidá Bandera de Costa Rica Costa Rica
Muerte

1877

(68/69 años)
Oficiu
Oficiu políticu
Cambiar los datos en Wikidata

Manuel José Carazo Bonilla ( n. Heredia, Costa Rica, 24 de xunu de 1808 - m. San José, Costa Rica, 1° de xunu de 1877) foi un políticu y empresariu costarricense, vicepresidente de la República y presidente del Congresu en 1849.

Foi fíu de Joaqiín Carazo y Alvarado, firmante de l'Acta d'Independencia de Costa Rica, y Ana Francisca de Bonilla. Tíos sos fueron ente otros don Nicolás Carazo y Alvarado y don Pedro José Carazo y Alvarado, tamién firmantes de l'Acta.

Casó con María Toribia Peralta, fía de Manuel María de Peralta y López del Corral, y nieta de José María y Peralta y La Vega, dambos firmantes de l'Acta de la Independencia. Nel matrimoniu Carazo-Peralta hubo dieciséis fíos. Una de les sos fíes, Isaura Carazo Peralta,foi esposa de Aniceto Esquivel Sáenz, presidente de Costa Rica en 1876.

Anque nun cursó estudios formales, foi políglota y home d'estensa cultura.

Foi unu de los más esitosos cafetaleros y comerciantes de la Costa Rica de mediaos del sieglu XIX, y tamién foi un personaxe por demás influyente na política, anque prefería caltenese alloñáu del desempeñu de cargos públicos. Sicasí, foi ministru de Facienda mientres l'alministración de Francisco María Oreamuno Bonilla; ordenó la Facienda Pública ya introdució la contabilidá moderna pa llevar les cuentes del Estáu. Tamién foi vicepresidente de la República y presidente del Congresu. Tuvo encargáu interinamente de la presidencia en 1849.

Nel deceniu de 1860 foi'l líder informal d'un círculu de cafetaleros, comerciantes y políticos conocíu como'l grupu de Carazo, qu'influyó notoriamente na política costarricense y que'l so brazu armáu yera'l xeneral Máximu Blanco Rodríguez, comandante del cuartel Principal de San José. Foi'l presidente y unu de los más activos organizadores del primer partíu políticu formalmente establecíu en Costa Rica, el Partíu Convención Constitucional (1868).

Ver tamién[editar | editar la fonte]



Manuel José Carazo Bonilla