Manuel Balsera Rodríguez

De Wikipedia
Saltar a navegación Saltar a la gueta
Manuel Balsera Rodríguez
Vida
Nacimientu 1919
Nacionalidá Bandera d'España España
Fallecimientu

2005

(85/86 años)
Estudios
Llingües castellanu
Oficiu
Oficiu políticu
Cambiar los datos en Wikidata

Manuel Balsera Rodríguez, (conocíu polos sos convecinos como Lin de La Sala) (*1919-†2005) nacíu y residente el pueblu de La Sala, na parroquia de Godán (Salas) en 1919 foi alcalde de Salas ente 1983 y 1987 por AP llogrando 7 conceyales por 6 del PSOE ganando por una distancia mínima (101 votos).

Ganaderu, políticu y unu de los fundadores de Central Llechera Asturiana, foi primero de too un home del campu, con notable prestíu ya influencia en dichu mediu. Desenvolvió una fecunda trayeutoria ganadera y una non menos importante carrera política venceyada a Alianza Popular, que lo reclutó a empiezos de los ochenta y col que ganó l'alcaldía de Salas pal mandatu de 1983 a 1987, decidiendo nun presentase a la reelección y retornar a los sos llabores ganaderos.

Home senciellu y de gran intelixencia natural, Lin de la Sala gociaba d'enforma predicamento ente les xentes de l'Asturies rural, como se punxo de manifiestu mientres el procesu de fundación de Central Llechera cuando la percorrió pa captar cooperativistes. Foi tamién presidente de la Cámara Agraria de Salas, onde destacó pola so inestimable sofitu a los compañeros ganaderos.

Finó'l 20 de marzu de 2005, a los 86 años d'edá na so residencia de La Sala.

Ver tamién[editar | editar la fonte]


Predecesor:
Manuel Ruisánchez Castaños
Alcalde de Salas
23 de mayu de 1983 - 20 de xunetu de 1987
Socesor:
Rafael García Bágara


Manuel Balsera Rodríguez