Manuel Aznar López
Manuel Aznar López | |
|---|---|
| Vida | |
| Nacimientu | Uviéu, 1948 (75/76 años) |
| Nacionalidá |
 España |
| Familia | |
| Padre | Manuel Aznar Acedo |
| Hermanos/es | José María Aznar |
| Estudios | |
| Llingües falaes | castellanu |
| Oficiu | xurista |
 | |
Manuel Aznar López (1948, Uviéu) ye un xurista asturianu, conseyeru del Tribunal de Cuentes. Foi escoyíu pa esti cargu pol Senáu en 2012. Ye hermanu mayor del ex-presidente del gobiernu José María Aznar[1].
Biografía
[editar | editar la fonte]Llicenciáu en Derechu, foi funcionariu de la Seguridá Social antes de ser asesor responsable del Área de Bienestar Social, Trabayu y Atención al Menor de la Oficina del Defensor del Pueblu. En 1996, foi propuestu pol Partíu Popular pa ser nomáu axuntu segundu del Defensor del Pueblu, pero presentó'l so arrenunciu por cuenta que'l so hermanu, José María Aznar, llevaba unos meses como xefe del gobiernu español. En 2002, dimitió pa dise d'agregáu llaboral a la Embaxada d'España en Roma, onde permaneció hasta 2006. Volvió entós a España pa ocupar plaza na asesoría xurídica del Tribunal de Cuentes.[2][3]
Funcionariu espertu en temes de marxinación social, aboga pola defensa de los servicios sociales n'educación, sanidá, vivienda y en toles prestaciones de llucha contra la probeza y l'esclusión. Según les sos propies pallabres, "L'Estáu hai de garantizar estes prestaciones".[2] Autor d'un llibru sobre derechos de los usuarios de centros sanitarios, sociales y sociosanitarios.[4]
Referencies
[editar | editar la fonte]- ↑ [1]
- ↑ 2,0 2,1 Margarita Riviere (19 de xunu de 2000 - Nᵘ 1508). «Un Aznar que defende a la España que nun va bien». El País Dixital. Consultáu'l 3 de febreru de 2013.
- ↑ Ángel Collada (16 de xunu de 2012). «mayor-de-aznar-y-marugan-opten-por-pp-y-psoe-al tribunal-de-cuentes-100020/ L'hermanu mayor d'Aznar y Marugán opten por PP y PSOE al Tribunal de Cuentes». El Confidencial. Consultáu'l 3 de febreru de 2013.
- ↑ Aznar López, Manuel (2000). usuarios-d-y-centros-sanitarios-sociales-y-sociosanitarios/9788484441014/747351 Internamiento civiles y derechos fundamentales de los usuarios de centros sanitarios, sociales y sociosanitarios. Comares, páx. 176. ISBN 9788484441014.
