Mallacán

De Wikipedia
Saltar a navegación Saltar a la gueta

Mallacán ye un grupu de rock n'aragonés creáu nel 1992. La so primer grabación foi una maqueta en cassette, "Entalto a reboluzión!" (¡Enriba la revolución!) nel 1995 y dende entós asoleyaron cuatro discos: "Luen d'o paradiso" (Llueñe del paraisu) nel 1999, "Chera chera!" (¡Foguera foguera!, espresión utilizada nel Pirinéu aragonés pa tizar del llar) nel 2002 "País zierzo" (País cerciu, refiriéndonse a Aragón) nel 2005, y "Mar de suenios" editáu nel 2009.

La música de Mallacán ye una fusión de rock, folk, ska y reggae.

Componentes y preseos musicales[editar | editar la fonte]

Anguaño formen el grupu siete componentes, pero hubo munchos cambeos na hestoria del grupu:

  1. Fernando: voz y guitarra.
  1. Arturo: batería.
  1. Sito: guitarres.
  1. Bodegoi: baxu.
  1. Eduardo:trompeta y samplers.
  1. Alex: trombón, guitarra y voces.
  1. Jandro: gaita de boto aragonesa, teclaos, acordión y dulzaina aragonesa.

Destaca l'empléu de preseos típicos d'Aragón, como la gaita de boto y la dulzaina.

Discografía[editar | editar la fonte]

  1. Entalto a reboluzión! (1995)

La so primer maqueta. Apaez n'ochobre de 1995 y contién nueve cantares n'aragonés grabaes en direutu na sala Jai-Alai d'Huesca. Acompañando a la cassette venía una fueya colos cantares traducíos al castellán.

  1. Luen d'o paradiso (1999)

El primer discu apaez en 1999. Tien doce canciones que falen de la inmigración, la muyer, la ecoloxía y la defensa de la llingua aragonesa. L'últimu cantar del discu ye una versión del Gora Herria de Negu Gorriak en euskera.

  1. Chera, chera! (2002)

Editáu n'abril de 2002. El títulu ye una espresión emplegada nel Pirinéu pa tizar el fueu del fogaril. Tien catorce cantares, una d'elles en catalán, otra en francés y dos en castellán, una ye una versión de más Birras.

  1. País Zierzo (2005)

Grabáu nel barriu del Gabitu, en Zaragoza y masterizado en Bérriz (Vizcaya) por Lorentzo Records. Tien doce canciones, una en catalán y el restu n'aragonés.

  1. Mar de suenios (2009)

Apaez en mayu de 2009. Inclúi 14 cantares grabaos nos estudios Rap Solu de Zaragoza y masterizadas en Masterdisk en Nueva York. El so primera single foi 'Canta Trista d'Irina'.

Enllaces esternos[editar | editar la fonte]