Madonna (Edvard Munch)

Madonna

Madonna
Tipos	painting series (en)
Artista	Edvard Munch
Añu	1894
Xéneru	pintura relixosa y nude (en)
	Madonna (en) MUNCH Inv:MM.M.00068
	Madonna (Edvard Munch) Muséu Nacional d'Arte, Arquiteutura y Diseñu Inv:NG.M.00841
	Madonna (en) Kunsthalle d'Hamburgu Inv:HK-5015
	Madonna (en) valor desconocíu
	Madonna (en) valor desconocíu

'Madonna' o La Madonna ye una pintura del pintor espresionista noruegu Edvard Munch. Munch realizó diverses versiones distintes de la Madonna en 1894 y 1895, dalgunes al oleu sobre llenzu y otres versiones en grabáu, principalmente en litografíes.

Una d'estes cinco versiones n'oleu espónse nel Muséu Munch, muséu del cual foi robáu en 2004 xunto con El berru del mesmu autor y recuperada dos años más tarde. Otres dos versiones son propiedá de la Galería Nacional de Noruega y la Kunsthalle d'Hamburgu. Otra versión ye propiedá del empresariu Nelson Blitz, y una foi mercada nel añu 1999 por Steven A. Cohen.

Les impresiones litográfiques de la composición estrémense por un cantu decorativu ondulante y con una figura d'un fetu na esquina inferior esquierda. La versión de 1893 de la pintura tenía un marcu con una decoración similar, pero retiróse dempués y perdióse.

Títulu

Anque se trata d'una presentación bien inusual, ye posible que fora una pintura de María, la madre de Xesús, el títulu de Madonna puede tar destináu específicamente como una representación de María, anque Munch utiliza más d'un títulu como Muyer qu'ama o Madonna. Munch nun ye famosu por obres d'arte relixosu y tampoco yera conocíu como cristianu. L'afinidá a María tamién podría tener como oxetivu, sicasí, un énfasis na guapura y la perfeición de la so amiga y modelu Dagny Juel-Przybyszewska, y una espresión del so cultu nella como un ideal de muyer.

Robu

El 29 de marzu de 1990 una versión de la Madonna y d'otros trés obres d'arte fueron robaes de la Galería Kunsthuset AS d'Oslu. El 22 de xunu de 1990, la policía atopaba trés de les obres d'arte nuna casa privada en Drammen, Noruega. La cuarta fuera alcontrada'l día anterior nuna casa privada pela redolada de Sande.Mientres los procesos xudiciales, Ole Christian Bach yera'l sospechosu d'entamar tanto'l robu como la so manipulación. En setiembre de 1992, Bach foi condergáu a siete meses de prisión por manipulación d'oxetos robaos.

El domingu 22 d'agostu de 2004, nel Muséu Munch una versión de Madonna y El berru fueron robaes por homes amazcaraos con armes de fueu. Los lladrones obligaron a los guardies del muséu que se tiraran al suelu, y escaparon nuna carroceta negra, que la policía atopó más tarde abandonada. Dambes pintures fueron recuperaes pola policía d'Oslu'l 31 d'agostu de 2006. Al otru día, Ingebjørg Ydstie, direutor del Muséu Munch, dixo que l'estáu de les pintures yera muncho meyor de lo esperao y que los daños, incluyendo un furacu de 2,5 cm na pintura de la Madonna, podríen ser reparaos.

Europeana 280

N'abril de 2016, la pintura Vieyos pinos foi escoyida como una de les diez más grandes obres artístiques de Dinamarca pol proyeutu Europeana.

Bibliografía

• Duncan, Carol (1991). «The Aesthetics of Power in Modern Erotic Art», Feminist Art Criticism: An Anthology. Nueva York: Joanna Frueh.
• Day, Peter (2006.). Vampires: Myths and Metaphors of Enduring Evil. Amsterdam: Rodopi.
• Melville, Robert (1973). J. M. Richards i Nikolaus Pevsner: The Anti-Rationalists.
• Hofmann, Werner (1961). The Earthly Paradise: Art in the Nineteenth Century. ueva York: G. Braziller.

Enllaces esternos

• Madonna in the MoMA Online Collection
• California State University Archiváu 2010-04-02 en Wayback Machine

• Datos: Q1989780
• Multimedia: Madonna by Edvard Munch