Llibre albedríu

De Wikipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu

El llibre albedríu ye la hipotética capacidá de los axentes racionales de poder exercer control sobro les sos aiciones.

Encarar esta cuestión riquió entender la rellación ente la llibertá y la causa, mesmo que pescudar si les lleis de la naturaleza son causalmente deterministes. Les diverses postures filosófiques sobro la tema difieren na so opinión sobre si tolos asocedíos tán determinaos o non -determinismu escontra indeterminismu- según si la llibertá puede coesistir col determinismu -Compatibilismu y incompatibilismu contra incompatibilismu. Con eses los deterministes convencíos argumenten que l'universu ye determinísticu, y qu'esto fai que'l llibre albedríu seya imposible.

El principiu del llibre albedríu tien connotaciones relixoses, étiques y científiques. Por exemplu, nel ámbitu relixosu, el llibre albedríu puede implicar qu'una deidá omnipotente nun exerz el so poder sobre les voluntaes y eleiciones individuales. N'ética, puede implicar que los individuos pueden ser responsabilizaos moralmente poles sos aiciones. Nel ámbitu científicu, puede implicar que les aiciones del cuerpu, incluyendo'l celebru y la mente, nun tán determinaes dafechu pola causalidá física. La cuestión del llibre albedríu foi una tema central dende los empiezos del pensamientu filosóficu.