Ligue de Football Professionnel

Ligue de Football Professionnel
	Ligue nationale de football (fr); Groupement du football professionnel (fr); Groupement des clubs autorisés à utiliser des joueurs professionnels (fr)
	organización deportiva y organización ensin ánimu de llucru
Llocalización
Sede	París
Direición	Francia
Forma xurídica	asociación según la llei francesa de 1901
Sector
Productos destacaos	Ligue 1; Ligue 2
	Web oficial

La Ligue de Football Professionnel, conocida en Francia como "la Ligue" ye l'asociación francesa que xestiona les lligues profesionales de fútbol de Francia y Mónacu.^{[nota 1]} Fundóse en 1944 y ta baxo l'autoridá de la Federación Francesa de Fútbol.

Sistema de competición

A imaxe y semeyanza d'otres lligues europees, la lliga francesa ta formada por delles divisiones: La Ligue 1, la Ligue 2, la National, la CFA y la CFA 2.

Los puntos repártense de la siguiente forma: L'equipu que gana un partíu consigue trés puntos y l'equipu perdedor nun consigue nengunu, ente que si dambos equipos empaten consiguen un puntu cada unu. Trescurríu tol campeonatu, l'equipu con más puntos consigue'l troféu que lu proclama como campeón:

Nel casu de la Ligue 1, l'equipu que se proclame campeón d'ésta, clasifícase automáticamente pa la Lliga de Campeones. Asina mesmu, tanto'l segundu como'l tercer clasificáu clasifíquense pa la Lliga de Campeones, magar qu'esti postreru tien de pasar primero per tercer ronda pa clasificase definitivamente. El cuartu clasificáu clasifícase direutamente pa la Copa de la UEFA, ente que'l quintu, el sestu y el séptimu clasificáu apuesten la Intertoto. Los trés últimos equipos baxen a segunda división o Ligue 2.
Nel casu de les otres divisiones, el primer clasificáu de cada grupu (CFA y CFA 2) o los trés primeros clasificaos (Ligue 2 y National) xuben a la división darréu cimera y los trés (Ligue 2 y CFA y CFA 2) o cuatro (National) postreros baxen a la división darréu inferior.

Los equipos de les divisiones de la Lliga Francesa distribúinse de la siguiente forma:

Ligue 1: 20 equipos
Ligue 2: 20 equipos
National: 20 equipos
CFA (Championnat de France Amateur): 4 grupos de 18 equipos cada grupu.
CFA 2 (Championnat de France Amateur 2): 8 grupos de 16 equipos cada grupu.

La lliga francesa de fútbol ta entamada pola FFF (Fédération Française de Football), que dirixe per un llau a los campeonatos profesionales y per otru, a los amateurs.

Ver tamién

Notes

↑ Mónacu tien un únicu club profesional ensin representación futbolística propia.

Referencies

Enllaces esternos

Páxina web oficial (en francés)

[1] Mónacu tien un únicu club profesional ensin representación futbolística propia.

[nota 1]