Leuca Ori

Leuca Ori
cordal
Situación

Leuca Ori ye una cordal de la parte occidental de la islla de Creta, que puede deber el so nome (Montes blancos) a la nieve que corona los sos visos o a la blancura de los sos cantiles caliares.

Los Leuca Ori, que s'alcen a unos 2462 metros, tán desprovistos de vexetación y namái se ve un pocu de verdor no fondero de los sos valles. Llámense tamién montes Esfaquiotas, por causa de les tribus dories que s'acantonaron ellí como nuna fortaleza. Y realmente, pocos montes tán meyor defendíes pola naturaleza. Delles aldegues namái son accesibles pol llechu de los riegues, de cuenta que la so comunicación queda atayada mientres les agües. Tamién l'escobiu o gargüelu de Hagio Rumeli na aguada meridional d elas montes ye impracticable mientres les nubes.

Nes altores estienden terrenes bastante xuníos, pero inhabitables pola mor del fríu. Les aldegues de Askyfo ocupen una llanura, llechu d'un llagu desecado y defendíu de los vientos por un muriu circular de montes.

Referencies

• El conteníu d'esti artículu incorpora material del tomu 30 de la Enciclopedia Universal Ilustrada Europeo-Americana (Espasa), que la so publicación foi anterior a 1944, polo que s'alcuentra nel dominiu públicu.

• Datos: Q5796263