Lares

De Wikipedia
Saltar a navegación Saltar a la gueta
Llar de bronce del sieglu I (M. A. N., Madrid).

Los lares yeren deidaes romanes fíos de Lara (o Larunda),una de les náyades, y el divos Mercuriu (delles fontes menten a Xúpiter) que'l so orixe s'alcuentra nos cultos etruscos a los dioses familiares.[1][1]

La relixón de l'antigua Roma presentaba dos vertientes: per un llau, los cultos públicos o estatales y, per otru, los cultos privaos o domésticos. Dientro d'esta segunda vertiente asítiase l'adoración de los llamaos dii familiaris o dioses de la familia. Ente éstos alcuéntrense los lares loci, que la so función primordial yera velar pol territoriu en que s'atopaba la casa familiar. Tanto ye asina, que primero que la propiedá privada fuera regulada pol derechu, yeren los dioses lares los encargaos d'evitar que los estraños entraran en tierres ayenes por aciu, según la creencia popular, l'amenaza d'enfermedaes que podíen aportar a mortales.

Les families romanes sentíen una gran veneración polos lares, que representaben en forma de pequenes estatues. Estes asitiábense tantu dientro como fora de la casa en pequenos altares llamaos lararia (sg. lararium), onde se realizaben ufriendes o se-yos rindía oración. Na casa (sg. domus), el larariu solía asitiase nel atriu, lo más cerca posible de la puerta principal. Nel casu de los apartamentos (pl. insulae), el lararium asitiábase cerca de la cocina, anque nuna mesma casa podíen esistir varios y nun yera estraño que s'atoparan nos cuartos. Lo que yera importante, sicasí, ye que nun tuvieren en llugares poco transitaos o escondíos, col envís de que nun se los ignorara o escaeciera.

Nos primeros tiempos romanos cada casa tenía mínimu una estauína, más tarde surde ciertu tracamundiu ente éstes y les de los manes, almes de los antepasaos muertos.

Evolución histórica[editar | editar la fonte]

Magar el cultu a los lares desapaeció, inda pueden reparase dellos vestixos en ciertes costumes o tradiciones aparentemente cristianes.

Mientres el cristianismu s'escorrió y hasta castigó cola muerte, esistió una clara distinción ente ésti y el mundu paganu. Col Edictu de Milán, promulgáu por Constantín I en 313 d. C., almitióse al cristianismu ente les relixones lícites con una visión tolerante escontra'l paganismu y otres formes d'eleición de conciencia. Pero, a partir de Teodosio I el Grande , empezó un ataque abiertu contra l'antigua relixón, bien enraigonada entá ente'l pueblu. Obligaos a profesar una única relixón oficial, munches persones siguieron coles sos práutiques anteriores, pero dándo-yos un tinte cristianu". D'esta forma'l larario caltuvo la so posición cercana a la puerta d'entrada, pero conteniendo una imaxe de Xesús, d'un santu o hasta de la Virxe. Los lares urbanos fueron camudaos polos santos patronos, el llar personal o xeniu pol ánxel de la guarda y asina de forma asemeyada. Ye un exemplu de cómo interactúen dos cultures distintes cuando se rellacionen ente sigo o una d'elles mueve a la otra.

Tipos de llares[editar | editar la fonte]

  • Lares compitales: de les encruciaes.[1]
  • Lares domestici: del llar.
  • Lares familiares: de la familia.[1]
  • Lares permarini: del mar.
  • Lares rurales: de la tierra.
  • Lares viales: de los viaxeros o que presidíen los caminos.[1]
  • Lares urbanos: protectores de les ciudaes.[1]
  • Lares personales o protectores personales: curiaba a una persona dende la so nacencia.

Ver tamién[editar | editar la fonte]

Referencies[editar | editar la fonte]

  1. 1,0 1,1 1,2 1,3 1,4 1,5 Enciclopedia Ilustrada Billiken, "Mitología Grecorromana", Mitología Romana, Volumen II, Editorial Atlántida, Buenos Aires, 1959, pp.59